ჯორჯიან უოთერ ენდ ფაუერი გლდანის რაიონში, 26 მაისის ქუჩაზე, წყალმომარაგების გაუმჯობესების მიზნით, წყალსადენის ქსელზე სარეაბილიტაციო სამუშაოებს ატარებს.

პროექტის ფარგლებში, 4 კმ-ზე მეტი სიგრძის მოძველებული მაგისტრალური და გამანაწილებელი ქსელები ახლით ჩანაცვლდება. წყალმომარაგების სტაბილურობისთვის, ახალ ქსელზე ევროსტანდარტის ჩამკეტ-მარეგულირებელი ურდულები და წყლის წნევის რეგულატორები დამონტაჟდება, ასევე მოეწყობა სახანძრო ჰიდრანტები და საკვანძო ჭები.

სარეაბილიტაციო სამუშაოების შედეგად, სოფელ გლდანში 26 მაისის, გორგასლის, ჩოლოყაშვილის, ყაზბეგისა და მიმდებარე ქუჩების 600-ზე მეტი აბონენტის წყალმომარაგება მნიშვნელოვნად გაუმჯობესდება.

26 მაისის ქუჩაზე წყალმომარაგების სისტემის განახლება 2022 წელს ჯივიპის ერთ-ერთი მასშტაბური პროექტია. სარეაბილიტაციო პროექტში კომპანია 1,2 მლნ. ლარის ინვესტიციას ახორციელებს.