სამშენებლო და სარემონტო მასალების ერთ-ერთი ყველაზე მსხვილი მწარმოებელი და იმპორტიორი ნოვა წელს 16 წლის გახდა, რაც ხაშურში ახალი ფილიალის გახსნით აღნიშნა.

ფილიალი 1 ნოემბერს, ხაშურში, ბორჯომის ქუჩა №2-ში გაიხსნა. ცერემონიალზე მისულმა სტუმრებმა 30%-მდე ფასდაკლებით ისარგებლეს და მოიგეს საჩუქრები, მათ შორის, 200, 100 და 50 ლარიანი ვაუჩერები.

ფოტო: ნოვა

ფოტო: ნოვა

ეს ნოვას რიგით მე-7 ფილიალია, რომლისთვისაც კომპანიამ დამატებით 500 ათასი ლარის ინვესტიცია განახორციელა. ახალ შოურუმში უკვე დასაქმებულია 30-ზე მეტი თანამშრომელი, რომლებიც ადგილობრივი კადრებიდან შეირჩნენ.

ხაშურის შოურუმში წარმოდგენილი იქნება ნოვას როგორც წარმოებული, ისე იმპორტირებული პროდუქციის სრული ასორტიმენტი. მომხმარებლებს შეეძლებათ შეიძინონ ნოვას თუნუქის სახურავები, წყალსაწრეტი სისტემები, საიდინგები, პოლიეთილენის ავზები, საკომუნიკაციო ჭები, ნაგავშემკრები კონტეინერები, სეპტიკური ავზები, ბარიერები, ვენახის ინვენტარი, თაბაშირ-მუყაოს პროფილები და სხვა ქართული პროდუქტები. იმპორტირებული პროდუქციიდან კი მომხმარებელი აღმოაჩენს ისეთი ბრენდების სამშენებლო-სარემონტო მასალებსა და ხელსაწყოებს, როგორებიცაა ინგკო, იზოჯამი, ფავორი, რიგიფსი, ბეტეკი და ბიენი.

ფოტო: ნოვა

ნოვა ერთ-ერთი ყველაზე სწრაფად მზარდი და მუდმივ განვითარებაზე ორიენტირებული ქართული კომპანიაა. მან საქმიანობა 2006 წელს დაიწყო, რაც სამშენებლო და სარემონტო მასალების იმპორტსა და რეალიზაციას მოიცავდა. 2011 წელს კი მან საკუთარი წარმოების ხაზი შექმნა და დღეს საქართველოში ყველაზე ფართომასშტაბიან წარმოებას ფლობს. ნოვა რამდენიმე ასეულ ქართულ პროდუქტს ქმნის და მომავალ წლიდან ახალი მიმართულებების დამატებასაც გეგმავს.

საქართველოს მასშტაბით ნოვას მიერ უკვე 900-მდე ადამიანია დასაქმებული. ეს რიცხვი კი ფილიალების, წარმოებული თუ იმპორტირებული პროდუქციის რაოდენობის ზრდასთან ერთად წლიდან წლამდე სულ უფრო მატულობს.

კომფორტი ერთი სახურავის ქვეშ — ეს ნოვას მთავარი სლოგანია. ამ ხედვის შესაბამისად, კომპანია მომხმარებელს სთავაზობს ყველაფერს, რაც მას მშენებლობისა და რემონტისთვის შეიძლება დასჭირდეს. ამასთან ერთად, ნოვა ცდილობს პროდუქციაზე გეოგრაფიული ხელმისაწვდომობის გაზრდასაც, რაც ახალი ფილიალების გახსნაში გამოიხატება. დღეს ნოვას შოურუმი საქართველოს 7 ქალაქშია წარმოდგენილი — თბილისში, ბათუმში, ქუთაისში, გორში, თელავში, მარნეულსა და ახლა უკვე ხაშურში.