კოლასი ხალხის ძალაზე: ანტიდასავლური განცხადებები შოკისმომგვრელია

13 Oct. 2022, 11:18

ვფიქრობ, არ მინდა ამაზე ვრცელი კომენტარის გაკეთება. რასაც მძაფრად შევიგრძნობ არის ის, რომ ეს ძალიან მტრული, ძალიან აგრესიული ანტიდასავლური ნარატივი ზიანს აყენებს საქართველოს და მის ინტერესებს. ის ძალიან ხშირად აბსურდულად არაზუსტი და მცდარია. რასაც ე.წ. მეორე ფრონტთან დაკავშირებით ამბობენ, სრულიად ტყუილია. ასეთი რამის გაკეთების მოთხოვნა არასდროს ყოფილა. ბევრი განცხადება არაზუსტია და ზოგადად, ეს ანტიდასავლური განცხადებები შოკისმომგვრელია. მიმაჩნია, რომ თავდასხმები ამერიკის ელჩ კელი დეგნანზე, რომელიც არის ჩემი მეგობარი და ადამიანი, ვისთანაც მუშაობა ძალიან მსიამოვნებდა, ძალიან შემაშფოთებელია. როგორც უკვე გითხარით, ვფიქრობ, რომ საქართველოსთვის ახლა ძალიან მნიშვნელოვანია, უზრუნველყოს, რომ რეფორმების დღის წესრიგი, რომელიც დაიწყო და დინამიური გახდა ამ ზაფხულიდან მოყოლებული და რომელსაც დადებითად ვაფასებ, საფრთხის ქვეშ არ დადგეს პრობლემური ნარატივებითა და ნეგატიური ამბებით.

ძალიან მნიშვნელოვანია, რომ ეს პოზიტიური დღის წესრიგი, რეფორმის დღის წესრიგი, რეალობად იქცეს და პოზიტიურ ნარატივად ითარგმნოს. არსებობს დიდი რისკი, რომ ეს პროცესი შეფერხდეს, რაც ძალიან სამწუხარო იქნება. ახლა არ მინდა განცხადებები გავაკეთო, თუ ვინ რას აკეთებს, ვინ ვის უკან დგას და ამ ყველაფერში. ამაზე მე არ უნდა გავაკეთო კომენტარი, მაგრამ როდესაც ამას ვუყურებ, შეშფოთებული ვარ.

ბოლო ამბები:

დიეგო კოლასი კოლასი ხალხის ძალაზე: ანტიდასავლური განცხადებები შოკისმომგვრელია

კომენტარები

კვირის ტოპ-5

გირჩევთ

ახლა კითხულობენ

ნორვეგიის მეფე ჰარალდ V 89 წლის ასაკში გარდაიცვალა