პატრიოტთა ალიანსის წევრსა და პარლამენტის დეპუტატს გელა მიქაძეს, არაბეთის გაერთიანებული საამიროების სასამართლომ 15-წლიანი პატიმრობა მიუსაჯა, 17,2 აშშ დოლარის გაფლანგვის ბრალდებით.

კერძოდ, როგორც გამოცემა Gulf Business წერს, RAKIA-ს ყოფილ ხელმძღვანელს, ხატერ მასაადს და ამავე კომპანიის (RAKIA საქართველო) ორ ყოფილ აღმასრულებელს გელა მიქაძეს და გიორგი ჯანაშიას 15-15 წელი მიუსაჯეს

ამას გარდა, სასამართლომ გელა მიქაძეს $12,8 მილიონი, ხოლო გიორგი ჯანაშიამ $4,4 მილიონის გადახდა დააკისრა.

როგორც გამოცემა Gulf Business წერს, საქმე ეხება, 2010-2011 წლებში, ხელშეკრულებების გაფორმებასა და შემდეგ გაუქმებას, ფოთის პორტსა და კომპანია Raystar Trade LLP-ს შორის.

დეპუტატი გელა მიქაძე საზოგადოებრივ მაუწყებელთან საუბრისას აცხადებს, რომ საქმის კურსში არ იყო, თუკი არაბთა გაერთიანებულ საამიროებში მის წინააღმდეგ სასამართლო საქმე მიმდინარეობდა:

"ამ საემიროს ჰყავს შეიხი, რომელიც თავად არის მოსამართლეც, პროკურორიც და ბრალმდებელიც, შესაბამისად ეს გადაწყვეტილება ერთპიროვნულად იყო გამოტანილი. სასამართლომ შვიდი წლის წინანდელ და ჩემთვის გაურკვეველ ამბავზე მედავება".