კობახიძე: ყველაფერს რომ თავი დავანებოთ, პრეზიდენტის მოსმენა ვის რაში სჭირდება?!

15 Sep. 2022, 13:54

ყველაფერს რომ თავი დავანებოთ, პრეზიდენტის მოსმენა ვის რაში სჭირდება?! აი, არ ვიცი ხომ. აბსურდულია რაღაც განცხადებები და ჩვენ გვიწევს კომენტარების გაკეთება. ჩემი მოსმენა შეიძლება საინტერესო იყოს იმიტომ, რომ ბევრი ინფორმაციის მატარებელი ვარ და ბევრ გადაწყვეტილებას ვიღებ და ბევრ ადამიანთანაც მაქვს კომუნიკაცია. მაგრამ კიდევ ერთხელ გავიმეორებ, იყო რაღაც სისტემური პრობლემა, სერიოზული სისტემური პრობლემა, რომელიც ჩვენ ჩავაბარეთ წარსულს. მე შეგახსენებთ, რომ 2012 წლამდე, როდესაც იყო ეს სისტემური პრაქტიკა უმძიმესი დანერგილი, მაშინ ერთი რომ უსმენდნენ და მერე ამას პრაქტიკაშიც იყენებდნენ, ადამიანების წინააღმდეგ — სწორედ ასეთი ფორმით მოქმედებდა მაშინ რეპრესიული რეჟიმი. სწორედ ეს რეპრესიული რეჟიმი დამთავრდა და ჩვენ ეს სისტემური მოსმენა არაფერში არ გვჭირდება, იმიტომ, რომ რეპრესიული რეჟიმი არ გვაქვს. აქედან გამომდინარე, ვიღაცები როცა ავლებენ პარალელებს, ეს არის ცარიელი სპეკულაცია. როცა ამას აკეთებს რადიკალური ოპოზიცია გასაგებია. პრეზიდენტი ამას რომ უერთდება გასაგებია, რომ მას ამოძრავებს ზუსტად იგივე დღის წესრიგი, რაც რადიკალურ ოპოზიციას. [...]

თქვენ გაინტერესებთ, მე უკანონო მოსმენას ვემხრობი თუ არა? რა თქმა უნდა, არ ვემხრობი. უკანონო მოსმენა, რა თქმა უნდა, არ მომწონს. დამთავრდა, წერტილი, მორჩა... მე არ ვემხრობი უკანონო მოსმენებს, ეს დავადასტურე კიდევაც.

ბოლო ამბები:

გირჩევთ