ივლისში ილინოისში მცხოვრებმა უცნობმა პირმა ლატარიაში $1,3 მილიარდი მოიგო. მიუხედავად იმისა, რომ გათამაშებიდან 1 თვე გავიდა, უცნობს თანხა არ მოუკითხავს.

"ისიც არ ვიცით, იცის თუ არა მან, რომ პრიზი მოიგო. ყველას მოვუწოდებ, შეამოწმონ თავიანთი ბილეთები", — განაცხადა უცნობი გამარჯვებულის მოლოდინში მყოფმა ლატარიის ხელმძღვანელმა.

თუ გამარჯვებული გამოჩნდება, მას შეუძლია ერთბაშად $780,5 მილიონი ან $1,3 მილიარდიდან ყოველწლიურად გარკვეული თანხა მიიღოს. გამარჯვებულს ამ ორი გზიდან ერთ-ერთის ასარჩევად 60 დღე აქვს, ხოლო თანხის მოსათხოვად — 1 წელი. იმ შემთხვევაში, თუ გამარჯვებული თანხას 1 წლის განმავლობაში არ მიაკითხავს, შტატებს, რომლებმაც საპრიზო თანხის შეგროვებაში წვლილი შეიტანეს, ფული უკან დაუბრუნდებათ.

ლატარიის ხელმძღვანელის თქმით, დიდძალი თანხის მოგებისას ადამიანები ხშირად კუთვნილის მისაღებად გვიან მოდიან, რადგან ემოციებთან გამკლავება უჭირთ. აღსანიშნავია, რომ პირს, რომელიც ლატარიაში $250 000-ზე მეტს მოიგებს, შეუძლია, ანონიმურობა შეინარჩუნოს.