FBI-ის აგენტებმა აშშ-ს ყოფილი პრეზიდენტის სახლიდან საიდუმლო დოკუმენტების 11 კომპლექტი ამოიღეს. როგორც Washington Post წერს, მათგან 4 მონიშნული იყო, როგორც TOP Secret, ხოლო 7 ნაკლებად საიდუმლო.

რატომ არის მნიშვნელოვანი: აშშ-ის პრეზიდენტი ვალდებულია საპრეზიდენტო ჩანაწერების ყველა დოკუმენტი ეროვნულ არქივს გადასცეს, თუმცა ოფიციალური პირები აცხადებდნენ, რომ ტრამპმა მრავალი დოკუმენტი უკანონოდ წაშალა.

  • თებერვალში ეროვნულმა არქივმა იუსტიციის დეპარტამენტს ოფიციალური დოკუმენტების შესახებ გამოძიების დაწყება სთხოვა.
  • ეროვნული არქივის ინფორმაციით, ამ წლის დასაწყიში ტრამპის ფლორიდის სახლიდან 15 ყუთი ამოიღეს, რომელთა ნაწილშიც საიდუმლო ჩანაწერები ინახებოდა.

დეტალები: 12 აგვისტოს ცნობილი გახდა, რომ ტრამპის სახლს ჩხრეკენ — ექსპრეზიდენტმა განაცხადა, რომ მისი სახლი "FBI-ის აგენტების მიერაა ოკუპირებული".

  • მისი თქმით, ყველა შესაბამის უწყებასთან თანაშრომლომდა, ამიტომ სახლის "დარბევა" მიზანშეწონილი არ იყო.
  • Reuters-ის ინფორმაციით, იუსტიციის დეპარტამენტმა განაცხადა, რომ ჰქონდათ სავარაუდო მიზეზი ჩაეტარებინათ გამოძიება — ჯაშუშობის აქტის შესაძლო დარღვევა.
პოლიცია ტრამპის სახლთან

პოლიცია ტრამპის სახლთან

ფოტო: Jim Rassol/EPA, via Shutterstock

ტრამპის მხარდამჭერები მის დასაცავად შეიკრიბნენ

ტრამპის მხარდამჭერები მის დასაცავად შეიკრიბნენ

ფოტო: Josh Ritchie for The New York Times

გამოძიება: FBI-ის გავრცელებული ჩხრეკის ორდერიდან ირკვევა, რომ ტრამპის წინააღმდეგ 3 შესაძლო დარღვევას იძიებენ.

  • ჩანაწერების დამალვა, დაზიანება ან წაშლა;
  • მართლმსაჯულების დაბრკოლება, მათ შორის, ფედერალურ გამოძიებების ჩანაწერების განადგურება, შეცვლა ან გაყალბება;
  • ჯაშუშობის აქტის შესაძლო დარღვევა, რაც შეიძლება მოიცავდეს უარის თქმას ეროვნულ უსაფრთხოებასთან დაკავშირებული დოკუმენტების მოთხოვნისთანავე გადაცემაზე, აგრეთვე ამგვარი ინფორმაციის გადაცემაზე ან დაკარგვაზე.
  • როგორც France 24 წერს, მუხლები 3, 10 და 20 წლამდე პატიმრობას ითვალისწინებს.