ლოს ანჯელესში, კალიფორნიის უნივერსიტეტში სროლის შედეგად ორი ადამიანი გარდაიცვალა. შემთხვევა დღეს, 1 ივნისს მოხდა. CNN-ის ინფორმაციით, ჯერჯერობით გაურკვეველია რამდენი ადამიანია დაშავებული ან რა მდგომარეობაში არიან. სროლა უნივერსიტეტის კამპუსის ერთ-ერთ შენობაში მოხდა.

მომხდარ ფაქტზე ლოს ანჯელესის პოლიცია ოფიციალურ განცხადებას Twitter-ზე აკეთებს. მათი თქმით, მიმდინარეობს ტერიტორიის დათვალიერება. პოლიცია ვარაუდობს, რომ მკვლელმა მეორე პირი მოკლა, შემდეგ კი თავი მოიკლა.

ამჟამად, მიმდინარეობს ინციდენტის გამოძიება. სამართალდამცავთა დიდი ჯგუფი იმ ქუჩებში პატრულირებს სადაც კამპუსი მდებარეობს. ამ დრომდე არ არის გარკვეული სროლის მიზეზი.