საქართველოს ყოფილი მთავარი პროკურორის, ოთარ ფარცხალაძის ადვოკატის, გაგი მოსიაშვილი თქმით, მისი დაცვის ქვეშ მყოფი პირისა და აუდიტის სამსახურის ხელმძღვანელს შორის ინციდენტი კერძო დაცვის ადეკვატური და პროპორციული ძალის გამოყენებით განეიტრალდა. ამის შესახებ მოსიაშვილმა რუსთავი 2-ის ეთერში განაცხადა.

"დაცვის ვალდებულება გახლავთ, რომ დასაცავი ობიექტი დაიცვას ნებისმიერი, ფიზიკური თუ მორალური კუთხით. რამდენად არის ეს პირადი დაცვის მხრიდან ქმედების განხორციელება, ეს შეიძლება ცალკე განხილვის საგანი იყოს. აქ არ არის თავდასხმაზე საუბარი," - აღნიშნა მოსიაშვილმა, რომელიც ამბობს, რომ ის თავის ხელთ არსებული ინფორმაციაზე დაყრდნობით აცხადებს.

13 მაისს ინფორმაცია გავრცელდა, რომ აუდიტის სამსახურის უფროსს, ლაშა თორდიას ყოფილმა მთავარმა პროკურორმა ფიზიკური შეურაცხყოფა მიაყენა. თორდია თავდასხმას თავისი სამსახურის მიერ ფარცხალაძის შესახებ მასალების მოგროვებას უკავშირებს.