ავსტრიელმა ქალმა, რომელიც შვებულების შემდეგ სახლში დაბრუნდა, სამოგზაურო ჩემოდანში მორიელების ოჯახი აღმოაჩინა. ქალის თქმით, ხორვატიაში, ადრიატიკის სანაპიროზე, ისვენებდა და როგორც მოგვიანებით აღმოჩნდა, ავსტრიაში დაბრუნების პერიოდში მორიელები მის ჩემოდანში ცხოვრობდნენ.

ქალმა ჯამში 18 მორიელი იპოვა, რომელთაგან ერთი დედა და დანარჩენი ახალდაბადებული მორიელები იყვნენ. მან ამის შესახებ შესაბამის სამსახურებს აცნობა და მორიელები გადასცა, მანამდე კი ფეისბუქზე პოსტიც გამოაქვეყნა.

"მორიელები ამ ეტაპზე ავსტრიის ქალაქ ლინცის ცხოველთა თავშესაფარში რჩებიან, სანამ უკან დაბრუნებას შეძლებენ", — წერს სამაშველო ცენტრი ფეისბუქზე. ეს პირველი შემთხვევა არ არის, როცა ხორვატიიდან ავსტრიაში მორიელები ბარგის მეშვეობით მოხვდნენ და ამ ზაფხულში ასეთი ორი ფაქტი უკვე დადასტურდა.

National Geographic-ის მიხედვით, მორიელის თითქმის 2000 სახეობა არსებობს და მათ შორის, მხოლოდ 40-ია იმდენად შხამიანი, რომ ადამიანი მოკლას. ხორვატიაში, კერძოდ, ადრიატიკის სანაპიროზე მცხოვრები სახეობები კი ადამიანისთვის საშიში არ არის.