შეტყობინების სქრინს აქტივისტი ზუკა ბერძენიშვილი აქვეყნებს. On.ge-მ სცადა დაკავშირება დეპუტატთან, თუმცა ის ჩვენს ზარებსა და მესიჯებს არ პასუხობს.

რატომ არის მნიშვნელოვანი: ეს პირველი შემთხვევა არ არის, როდესაც დეპუტატი სოციალურ ქსელში მუქარანარევი ტონით საუბრობს და ტელეფონით კომუნიკაციის ინტერესს გამოთქვამს.

  • 2020 წელს მსგავსი რიტორიკით მიმართა ოდშარიამ იურისტ ვახუშტი მენაბდესაც, ოღონდ მაშინ არა ტელეფონის ნომერს, არამედ დარეკვას ითხოვდა.

დეტალები: დღეს ბერძენიშვილმა ბექა ოდიშარიას დაუკომენტარა ოფიციალურ ფეისბუქგვერდზე, იმ ფეისბუქპოსტზე, რომლითაც დეპუტატი ირაკლი კობახიძის მიერ ჟურნალისტის შეურაცხყოფას გამართლებას ცდილობდა..

  • აქტივისტმა მას "პუტინის შნირის შნირი" და "უსინდისო ნაძირალა" უწოდა.
  • პასუხად ოდიშარიამ ის "ყველაფერი ეროვნულის მოძულეს ჭერქვეშ გაზრდილ ღლაპად" მოიხსენია და დაწერა: "ამ ჯერზე დაგინდობ საჯაროდ".
  • როგორც აქტივისტი ამბობს, სწორედ ამის შემდეგ მიწერა დეპუტატმა, პირადი ფეისბუქანგარიშიდან და სხვა სახის კომუნიკაცია აღარ ჰქონიათ.

ფოტო: კადრი ფეისბუქგვერდიდან