The Times-თან ინტერვიუში უკრაინის თავდაცვის მინისტრმა, ალექსეი რეზნიკოვმა განაცხადა, რომ პრეზიდენტმა, ვოლოდიმირ ზელენსკიმ სარდლობას გათავისუფლების გეგმის შედგენა დაავალა.

რატომ არის მნიშვნელოვანი: რეზნიკოვის თქმით, ეს ტერიტორიები სასიცოცხლოდ მნიშვნელოვანია ქვეყნის ეკონომიკისთვის.

  • ოკუპირებული ტერიტორიების გათავისუფლებისთვის უკრაინა დასავლური შეიარაღებით აღჭურვილ მილიონ სამხედროს ამზადებს.

დეტალები: თავდაცვის მინისტრი ამბობს, რომ გენერალური შტაბი მუშაობს პრეზიდენტის დავალების შესრულებაზე და მიზნის მისაღწევად სჭირდებათ XYZ ტიპის იარაღი.

  • "მე ვწერ წერილებს პარტნიორი ქვეყნების კოლეგებს, გენერლები საუბრობენ იმაზე, თუ რატომ გვჭირდება ასეთი იარაღი და შემდეგ მივიღებთ პოლიტიკურ გადაწყვეტილებებს".

რეზნიკოვის თქმით, კმაყოფილია მხარდაჭერით, რომელსაც უკრაინა იღებდა NATO-ს პარტნიორებისგან, მაგრამ არა მიწოდების ტემპით.

  • "უფრო სწრაფად გვჭირდება, რათა ჩვენი ჯარისკაცების სიცოცხლე გადავარჩინოთ. ყოველდღე ველოდებით ჰაუბიცებს".