უცნაური გატაცების მქონე ძაღლის პატრონს, სახლის წინ, განმარტებითი დაფის გაკეთება მოუწია, რადგან მისი ცხოველი დროის უმეტეს ნაწილს სახლის სახურავზე ატარებს და რა თქმა უნდა, ეს ფაქტი გამვლელებში დიდ აღშფოთებასა და გაკვირვებას იწვევს.

ფოტო: boredpanda

საქმე ისაა, რომ ჰეკლბერის, სახურავზე ჯდომა და იქიდან სამყაროს ყურება ყველაფერზე მეტად უყვარს. ოჯახი რომელშიც ის ცხოვრობს, დარწმუნებულია, რომ ის უსაფრთხოდ არის და არც არაფერი ემუქრება.

"იმ შემთხვევაში თუ სახლში არავინ არის ძაღლს ეზოში არასდროს ვტოვებთ. მისი სახურავიდან ჩამოტყუება კი საჭმლით ან სათამაშოებით გვიწევს. მართალია ვაფასებთ ადამიანების ყურადღებას, მაგრამ გთხოვთ კარებზე ნუღარ მოგვიკაკუნებთ, რადგან ისედაც ვიცით, რომ ის იქ არის. ამიტომ ნუ იღელვებთ, უბრალოდ გადაუღეთ ფოტო და ჰეკლბერის ისტორია დანარჩენ მსოფლიოსაც გაუზიარეთ", - ამბობს ძაღლის პატრონი.