ინფორმაცია On.ge-ის ბათუმის საქალაქო სასამართლოში დაუდასტურეს.

რატომ არის მნიშვნელოვანი: ოზთურქი სპეცოპერაციის დროს დააკავეს — საგამოძიებო მოქმედებები ჩატარდა როგორც მის საცხოვრებელ მისამართზე, ასევე, კომპანიაში.

  • გამოძიება განსაკუთრებით დიდი ოდენობით გადასახადისთვის განზრახ თავის არიდების, ყალბი საანგარიშსწორებო დოკუმენტების დამზადება-გამოყენებისა და უკანონო შემოსავლის ლეგალიზაციის შესაძლო საქმეზე ისევ მიმდინარეობს;
  • თუმცა იმ დღეს ოზთურქი ნარკოტიკული და ფსიქოტროპული ნივთიერებების შეძენა-შენახვის ბრალდებით დააკავეს.

დეტალები: სასამართლო პროცესი დღეს გაიმართა. როგორც ადგილობრივი მედია წერს, ბიზნესმენს ჯარიმა მცირე რაოდენობის კანაფის შეძენა-შენახვის გამო დააკისრეს.

  • TV 25-ის ინფორმაციით, ოზთურქი ამბობს, რომ მარიხუანა მის საკუთრებას არ წარმოადგენდა.

ვინ არის ოზთურქი: ის მედიის ყურადღების ცენტრში აქამდეც არაერთხელ მოექცა. ჯერ კიდევ 2015 წელს გავრცელდა ინფორმაცია, რომ ბიზნესმენი საქართველოს სოლიდარობის ფონდში მეორე მსხვილ დონაციას განახორციელებდა.

  • გარდა ამისა, 2015 წელს აჭარის მთავრობის ვებგვერდზე გამოქვეყნდა განცხადება, რომ ორ უმსხვილეს კომპანიასთან თანამშრომლობის მემორანდუმი გაფორმდა;
  • თურქული მედიების ცნობით კი, სტამბოლის მე-19 სისხლის სამართლის უმაღლესმა სასამართლომ ოზთურქს მკვლელობის წაქეზებისთვის სამუდამო პატიმრობა მიუსაჯა, რის შემდეგაც ოზთურქი ბათუმში გაიქცა.