ნილ გეიმანი ამერიკელ ღმერთებში ამბობს, ქალაქი წიგნის მაღაზიის გარეშე ქალაქი არ არისო. თუკი წიგნის ნამდვილ მაღაზიაში ერთხელ მაინც აღმოჩენილხარ და მისი ატმოსფერო შეგიგრძნია, შეუძლებელია, გეიმანს არ დაეთანხმო. ამ ჯადოსნურ ადგილას ხომ ათასობით ამბავი იყრის თავს და წამკითხველს ელოდება — ანუ შენ.

წიგნის მაღაზია რომ ყველა მკითხველისთვის ჯადოსნური ადგილი უნდა იყოს, ეს ყველაზე უკეთ სულაკაურის გამომცემლობაში ესმით. ამიტომ, გამომცემლობის ყველა მაღაზიაში განსაკუთრებული განწყობაცაა შექმნილი. ამ დროისთვის თბილისში სულაკაურის წიგნის შვიდი მაღაზიაა, დედაქალაქს გარეთ, რუსთავში კი — ერთი.

სულაკაურის გამომცემლობის პირველი წიგნის მაღაზია თითქმის 5 წლის წინ, 2017 წლის 27 სექტემბერს გაიხსნა. მას შემდეგ ის ყოველდღიურად ასობით მკითხველს მასპინძლობს და სასურველი საკითხავის შერჩევაში ეხმარება.

და მაინც — რატომ უნდა ეწვიო სულაკაურის წიგნის მაღაზიებს?

1. მყუდრო და მეგობრული გარემო დაგხვდება

აკი ვახსენეთ კიდეც, ყველა მაღაზიაში განსაკუთრებული განწყობაა შექმნილიო. ეს მხოლოდ წიგნების დამსახურება როდია — ფილიალებში კეთილგანწყობილი თანამშრომლებიც გიმასპინძლებენ, რომელთა რჩევებს თამამად შეგიძლია ენდო.

2. აქ სიახლეები სულ გელოდება

ახალთახალი წიგნებისა და მეგობრული კონსულტანტების გარდა, სულაკაურის წიგნის მაღაზიებში სიახლეებიც მუდმივადაა. გათამაშებები, კონკურსები, ფასდაკლებები, საჩუქრები, გამოწვევები და სხვა მრავალი.

მაღაზიებში ასევე შეგიძლია მიიღო დაგროვების ბარათი, სადაც ყოველ შეძენილ წიგნზე გარკვეული რაოდენობის ქულა დაგერიცხება; დაგროვებულ ქულებს კი წიგნებში ნებისმიერ დროს გადაცვლი. არც ის დაგავიწყდეს, რომ ფილიალებში პერიოდულად არის აქციები, როდესაც მომხმარებელს ბარათზე გაორმაგებული რაოდენობის ქულა ერიცხება.

3. წიგნის მაღაზია პატარების საყვარელი ადგილია

რა გასაკვირია, რომ წიგნის მაღაზია, რომელიც ყველაზე ჯადოსნური ადგილია, ბავშვებისთვის განსაკუთრებულად საყვარელია.

აი, მაგალითად, ცინცაძის ფილიალს ყოველთვის სტუმრობენ პატარა მკითხველები, რომლებიც თაროებს შორის კომფორტულად მოკალათდებიან და კითხულობენ, თამაშობენ და კარგ დროს ატარებენ ხოლმე.

4. საჩუქრები არა და არ ილევა!

საჩუქრებზე, როგორც წესი, დაბადების დღე ან ახალი წელი გვახსენდება ხოლმე, თუმცა, სულაკაურის წიგნის მაღაზიებში ყოველი დღე დღესასწაულია, ამიტომ საჩუქრებიც ყოველთვის გელოდებათ. პატარა მკითხველები სერიის ვიკითხოთ ერთად წიგნებთან ერთად საჩუქრად სანიშნებს იღებენ. საგანგებოდ ცალწინდა ყვანჩალასთვის კი წინდებიც შეიქმნა, რომლებიც წიგნთან ერთად 25 ლარი, ცალკე კი 7 ლარი ღირს.

• ვიკითხოთ ერთად — სერია, რომელიც ყველაზე პატარა მკითხველებს ამბის მთხრობელად აქცევს

სხვათა შორის, ივლისის თვეში სულაკაურის წიგნის მაღაზიებში მომხმარებელს საბავშვო გამოწვევასაც შესთავაზებენ. მისი ყველა პუნქტის შესრულების შესრულების შემდეგ მკითხველები სიმბოლურ საჩუქრებს მიიღებენ. ფასდაკლებით დასაჩუქრდებიან გამოწვევაში ჩართული მომხმარებლებიც.

5. აქ ყველა საჭირო აქსესუარის შეძენას შეძლებ

მკითხველებს ხომ მხოლოდ წიგნები არ უყვართ?! უყვართ ყველაფერი, რაც მათ საყვარელ ამბებს უკავშირდება. ამიტომ, ზაირა არსენიშვილის ახალგამოცემული საბავშვო წიგნისთვის, მოკლე კატოს თავგადასავალი, რომლის ილუსტრაციებიც თათია ნადარეიშვილმა შექმნა, ბრენდირებული ჩანთები, სანიშნები და ღია ბარათები დამზადდა. მათ შეძენასაც ასევე შეძლებ სულაკაურის წიგნის მაღაზიებში.

აქსესუარები არც დიდებისთვის დაინანეს — ზაზა ბურჭულაძის ახალი და უკვე ბესტსელერად ქცეული რომანისთვის, ვარდის სურნელი, საგანგებოდ დამზადდა ჩანთები. მაღაზიებში ასევე შეგიძლია ვეფხისტყაოსნის თემატიკის მაისურები, ბლოკნოტები და პოსტერები შეიძინო, რომელთა ილუსტრატორი დავით მაჭავარიანია.

ბონუსი: წიგნის მაღაზიაში მთავარი მკითხველია

ყველაზე მნიშვნელოვანი, რაც სულაკაურის წიგნის მაღაზიას გამოარჩევს, ისაა, რომ ეს სივრცე მთლიანად მკითხველის რჩევებისა და სურვილების მიხედვით იქმნება და იცვლება. მაღაზიაში მისულს, სასურველი პროდუქციის შეძენასთან ერთად, შეგიძლია მათ შესთავაზო, რას დაამატებდი სივრცეს, რას შეცვლიდი და სხვა.