კახა სამხარაძემ აქციაზე შეკრებილები ქვეყნის მტრებადაც მოიხსენია და მისი რიტორიკით უკმაყოფილოებს შეხვედრით დაემუქრა. როგორც ჩანს, გამგებელმა გადაიფიქრა, რადგან პოსტი წაშალა — სქრინები სოციალური ქსელის მოხმარებლებმა და მედიებმა გაავრცელეს.

რატომ არის მნიშვნელოვანი: სახელმწიფო მოხელემ შეურაცხმყოფელად და ე.წ. ქუჩური რიტორიკით მიმართა მათ, ვინც ევროკავშირის ისტორიულ გადაწყვეტილებამდე რამდენიმე დღით ადრე ევროპული მომავლის დასაცავად შეიკრიბა.

დეტალები: გამგებელს ეწერა, რომ მის "თაობას" ბევრი ცუდი გამოუვლია და ჰქონდა მოლოდინი, "შეცდომას არ დაუშვებდნენ", ანუ აქციაზე არ მივიდოდნენ. მეტიც, ეგონა ამის საშუალებას არც შვილებს მისცემდნენ.

  • "ვინც იქ მივიდა, ჩემს თაობას ვეუბნები, მაგარი სი*ები ხართ, ქვეყნის მტრები ხართ".
  • "ვისაც გინდათ პასუხი პირადად გაგცეთ, მზად ვარ, ნებისმიერ დროს და ნებისმიერ ადგილას შეგხვდეთ, ვისაც გეტკინათ".

ფოტო: ფოტო გამგებლის ფეისბუქგვერდიდან

ქართულ ოცნებაში ამბობენ, რომ, შესაძლოა, საქციელი მოსაწონი არ არის, მაგრამ... მათი აზრით, "პირად სივრცეში ადამიანს რასაც უნდა, იმას დაწერს".

  • კობახიძე ამბობს, რომ პოსტის შინაარსი არ იცის, თუმცა "არასამსახურეობრივ პერიოდში, ყველას შეუძლია პოზიციის გამოხატვა", რადგან ქვეყანაში გამოხატვი თავისუფლებაა.
  • კალაძე: "ჩვენ ეს მოვახერხეთ 2012 წელს, როდესაც ხელისუფლების ცვლილება მოხდა ქვეყანაში. სიტყვის და გამოხატვის თავისუფლება ყოველთვის არის უმაღლეს დონეზე. შეიძლება, ჩემთვის არ იყო მოსაწონი, ვიღაცისთვის მოსაწონი იყო, ვიღაცას კიდევ უფრო არ მოეწონა, გაღიზიანდა, მაგრამ სიტყვის თავისუფლება, ეს მისი პირადი სივრცეა".

არასამსახურეობრივ დროზე ისაუბრეს სამგორის გამგეობაშიც. სწორედ ეს მიზეზი დაასახელა უწყების თანამშომელმა ჟურნალისტის კითხვაზე პასუხის არგაცემის მოტივად.

  • "გამგებლის არასამუშაო საათებში მის პირად ფეისბუქზე გაკეთებულ განცხადებასთან დაკავშირებით, ვერ გავაკეთებ კომენტარს".