ქართული ოცნების დეპუტატის, მამუკა მდინარაძის განცხადებით, საქართველოს სახალხო დამცველი ნინო ლომჯარია ნაციონალური მოძრაობის "სახალხოდ დამცველად გადაიქცა". ასე გამოეხმაურა ის ლომჯარიას პრეზიდენტისადმი მიმართვას, მთავარი არხის გენერალური დირექტორის შეწყალებასთან დაკავშირებით.

"ნინო ლომჯარია ამ ბოლო დროს განსაკუთრებით არა სახალხო დამცველი, არამედ ნაცების სახალხოდ დამცველად გადაიქცა და ეს არის მისი ბოლო მისია და ფუნქცია როგორც ჩანს. მეტი კომენტარი ამაზე არ შეიძლება", — თქვა მან.

ლომჯარიამ მთავარი არხის გენერალური დირექტორის, ნიკა გვარამიას შეწყალების მოთხოვნით პრეზიდენტს მიმართა. მისი თქმით, ნებისმიერი სამეწარმეო გადაწყვეტილება არ შეიძლება გახდეს სახელმწიფოს სისხლისსამართლებრივი შეფასების საგანი.

სასამართლომ მთავარი არხის დამფუძნებელი, ნიკა გვარამია დამნაშავედ ცნო და მას 3 წლითა და 6 თვით პატიმრობა მიუსაჯა.