CNBC-ის წამყვანისა და ანალიტიკოსის, ჯიმ კრამერის შეფასებით, ზოგიერთი აქციის ღირებულება იმდენად დაცემულია, რომ სამომავლოდ მათი ზრდა გარდაუვალია. აქ აღსანიშნავია ისეთი ტექნოლოგიური გიგანტები, როგორებიცაა: Amazon, Facebook — იგივე Meta Platforms, Alphabet და სხვები.

არაერთი ექსპერტის შეფასებით, აქციების ვარდნა საუკეთესო დროა იმისთვის, რომ კომპანიების პერსპექტივები შეაფასო და მათი ფასიანი ქაღალდები იყიდო. კრამერი სწორედ იმ ტექ-კომპანიების აქციებს ასახელებს, რომელთა აქციების ზრდასაც დიდი ალბათობით ელოდება.

Amazon (AMZN)

კრამერის თქმით, ამ კომპანიას შეუძლია აქციების ღირებულება გაზარდოს იმ შემთხვევაში, თუ შეამცირებს საწყობისა და თანამშრომლების რაოდენობას და მეტად აგრესიულ სარეკლამო კამპანიას წამოიწყებს. ამასთან, ანალიტიკოსის შეფასებით, კომპანიამ საკუთარი ვებ სერვისების შენარჩუნებასა და გაუმჯობესებაზე უნდა იფიქროს.

"ამაზონი არის კომპანია, რომლის ერთი აქციაც 2024 წლისთვის 82 დოლარს გამოიმუშავებს. ვიდრე ამ მონაცემზე გაგეცინებათ, დაფიქრდით, რომ ახლა, 2022 წლისთვის ეს მაჩვენებელი ნახევარზეა", — თქვა კრამერმა.

ბოლო მონაცემებით, კომპანიის ერთი აქციის ღირებულება 2 433 დოლარად არის შეფასებული, რაც მიმდინარე წლის დასაწყისთან შედარებით 29%-ით არის შემცირებული.

Meta Platforms (FB)

Meta ერთ-ერთია იმ აქციებს შორის, რომლის ზრდის პერსპექტივასაც კრამერი ხედავს. მისი თქმით, მას მეტავერსის ხედვასთან დაკავშირებით ცუკერბერგის სჯერა და ამას მის გარდა სხვებიც იზიარებენ.

ამჟამად კომპანიის ერთი აქცია 188 დოლარად არის შეფასებული, რაც ნიშნავს იმას, რომ მისი ფასი 2022 წლის დასაწყისთან შედარებით 45%-ით არის დაცემული.

Alphabet (GOOGL)

კრამერი ამბობს, რომ Google საუკეთესო ადგილია რეკლამისთვის. მისივე შეფასებით კომპანია დაცულია გრძელვადიანი ვარდნისგან განსაკუთრებით მაშინ, როდესაც ისეთი კომპანიები, როგორიც Snap-ია ბაზარზე კარგად ვერ პოზიციონირებს.

Alphabet-ის ერთი აქცია ამჟამად 2 277 დოლარი ღირს — კომპანიის ფასიანი ქაღალდების ღირებულება მიმდინარე წლის დასაწყისთან შედარებით 22,1%-ით არის შემცირებული.

ვაჭრობა/ინვესტირება დაკავშირებულია მაღალ რისკებთან და იმ შემთხვევაშიც კი, თუ რეკომენდაციების შესაბამისად არის განხორციელებული, შესაძლოა გამოიწვიოს არსებითი დანაკარგები, ისევე, როგორც მოგება. თქვენ დეტალურად უნდა გააანალიზოთ, რამდენად მისაღებია თქვენთვის ვაჭრობა/ინვესტირება თქვენი ფინანსური მდგომარეობის გათვალისწინებით და შეგიძლიათ თუ არა გასწიოთ თანხის დაკარგვის რისკი.

აქციებით ვაჭრობა ახლა უკვე საქართველოს ბანკის მობილბანკით არის შესაძლებელი. ესტუმრე მობილბანკს, რომლის საშუალებითაც ისეთი საერთაშორისო კომპანიების ფასიანი ქაღალდებით ვაჭრობას შეძლებ, როგორებიცაა: Apple, Amazon, Microsoft, Tesla, Google და სხვა. ეს სიახლე საქართველოს ბანკმა მისი ჯგუფის შვილობილი კომპანიის, Galt & Taggart-ისა და საერთაშორისო ფინანსური ტექნოლოგიების პლატფორმა DriveWealth-ის პარტნიორობით დანერგა. თუ გსურს მეტი გაიგო ინვესტიციების შესახებ, ესტუმრე ფეისბუქგვერდს — ინვესტიციები, სადაც გაიგებ მეტს, თუ როგორ ივაჭრო აქციებით.