უსუფაშვილი: საქართველო არ იმსახურებს მთავრობას, რომელიც ამკვიდრებს არაევროპულ სტილს

27 May. 2022, 13:17

დიახ, საქართველო იმსახურებს ევროკავშირის წევრობის კანდიდატობას, საქართველო იმსახურებს ევროკავშირის წევრობის კანდიდატობას, ქართველი ხალხი იმსახურებს ევროკავშირის წევრობის კანდიდატობას. ახლა გადავიდეთ საქმეზე და ვილაპარაკოთ იმაზე, რას არ იმსახურებს საქართველო. საქართველო არ იმსახურებს იმ მთავრობას, რომელიც ქვეყანაში ამკვიდრებს არაევროპულ ცხოვრების სტილს, არაევროპულ პოლიტიკურ სისტემას, არაევროპულ ღირებულებებს, არაევროპულ ინსტიტუტებს, არაევროპულ სახელისუფლებო სისტემას, აი, ამას არ იმსახურებს ქართველი ხალხი და საქართველო.

საქართველო იმსახურებს ევროკავშირის წევრობას, ქართველი ხალხის და უამრავი ინდივიდუალური პოლიტიკოსის, საჯარო მოხელის წლების განმავლობაში თავდაუზოგავი შრომის, მაგრამ არ იმსახურებს ქართველი ხალხი და საქართველო იმას, რომ ქვეყნის მთავრობა დაკავებულია ქვეყნის გაყოფით და ყოველდღე პოლიტიკური ხელმძღვანელობის მხრიდან მოედინებოდეს ნიაღვარი გამონათქვამების, შეფასებების, დამოკიდებულებების, რომელიც საქართველოს ერთ ნაწილს, მინიმუმ 50%-ს, ყოველდღიურად აგრძნობინებს, რომ ის ზედმეტია.

ბოლო ამბები: