საქართველოს პრეზიდენტმა, გიორგი მარგველაშვილმა ქართული ოცნების შემოთავაზება მიიღო და საკონსტიტუციო ცვლილებების საყოველთაო სახალხო განხილვებში ჩაერთვება. ამის შესახებ მარგველაშვილის ადმინისტრაციის უფროსმა, გიორგი აბაშიშვილმა განაცხადა:

"საქართველოს პრეზიდენტი აუცილებლად მიიღებს მონაწილეობას ამ განხილვებში, ვინაიდან ჩვენ ყოველთვის ვემხრობოდით საზოგადოების ჩართულობას კონსტიტუციის განხილვაში."

საყოველთაო სახალხო განხილვები დღეს, 5 მაისს ქუთაისში დაიწყება, 11 დღის განმავლობაში სხვადასხვა ქალაქში ჩატარდება და 15 მაისს თბილისში დასრულდება. მაისის ბოლოს კი ცვლილებებზე პარლამენტი იმსჯელებს.