On.ge ექვსი წლისაა — 6 რამ, რაც 6 წლის განმავლობაში ვისწავლეთ
თქმა არ უნდა, ექვსი წლის წინ მთელი მსოფლიო სხვანაირი იყო და სხვანაირები ვიყავით ჩვენც. მას შემდეგ ბევრმა წყალმა ჩაიარა, მრავალი გლობალური თუ ადგილობრივი მნიშვნელობის რამ მოხდა და ეს ყველაფერი არა მხოლოდ განვიცადეთ თქვენთან ერთად, არამედ გავაშუქეთ კიდეც.
ზუსტად ექვსი წლის წინ გამოჩნდა On.ge ქართულ ინტერნეტსივრცეში და ძალიან მოკლე დროში შეძლო, კრიტიკულად მნიშვნელოვანი საკითხების გაშუქებით, სანდო ინფორმაციის დროულად მიწოდებით, მრავალფეროვანი შინაარსობრივი მასალით, სახალისო სტატიებითა თუ ტესტებით და მკითხველებთან უშუალო დამოკიდებულებით თავისი რჩეული ადგილი დაემკვიდრებინა ქართულ მედიაში.
"ჩვენი საიტი უკვე ამუშავდა. გვისურვეთ წარმატებები!" — ზუსტად 2016 წლის 11 მაისს გამოქვეყნებული ამ ტექსტით დაიწყო ყველაფერი.
გასული ექვსი წელი დიდი გამოწვევების, მოულოდნელი სიურპრიზების, გამოცდილების დაგროვების, ახალი ურთიერთობებისა და უამრავ მკითხველთან დამეგობრების პერიოდი გამოდგა, რამაც ბევრი რამ გვასწავლა და ჩვენი სამუშაო პროცესი განსაკუთრებული გახადა.
ამ სტატიაში ჩვენი ტრადიციული სტილით — ჩამონათვალის სახითა და ნახევრად ხუმრობის, ნახევრად კი სერიოზული ტონით — იმ ექვს რამეზე გიამბობთ, რაც სწორედ ამ ექვსი წლის განმავლობაში ვისწავლეთ.
1. ჩვენს მკითხველს ყოველთვის აინტერესებს, რომელი პასკა ან ლობიანია
ექვსი წლის წინ იფიქრებდით, რომ მსგავსი შინაარსის ტესტის შევსება მოგინდებოდათ? ჩვენც ძნელად წარმოგვედგინა. ხანდახან ახლაც ვყოყმანობთ ხოლმე, რამდენად შეიძლება გაამართლოს მსგავსმა აბსურდულად გენიალურმა იდეებმა, მაგრამ ნათელია, რომ ჩვენი მკითხველების დიდ ნაწილს მშვენივრად ესმის ჩვენი სახუმარო განწყობა და ტესტებს მუშტარი არასდროს აკლია.
თუმცა განა მხოლოდ საღლიცინოდ გვაქვს საქმე, თუნდაც ქართული გრამატიკის, გეოგრაფიის, კინოს და სერიალების შესახებ იმდენი და იმდენნაირი ტესტი მოვამზადეთ უკვე, რომ სანამ შედეგს არ გაიგებ და ბოლოს ამ შედეგით საქვეყნოდ არ მოიწონებ თავს, იქამდე ვერ მოისვენებ.
ჰა, გამოტყდი: მაინც რომელი გამოხვედი — ფენოვანი ლობიანი თუ ცუკატებიანი პასკა?
2. იმაზე უფრო დიდი ოფისი უნდა შევარჩიოთ, ვიდრე მოცემულ მომენტში გვჭირდება, რადგან ჩვენი გუნდი თვალის დახამხამებაში იზრდება
2016 წელს On.ge-ის გუნდი სულ ექვს თანამშრომელს ითვლიდა, ახლა კი ოცდაათნი ვართ. ამ პერიოდში, ცხადია, ოფისების შეცვლაც მოგვიწია, რადგან გაცილებით უფრო დიდი სივრცე გვჭირდებოდა ხოლმე, თუმცა ხშირად იმ ახალ სივრცესაც უცებ ვითვისებდით — ჩვენი გუნდი მოსალოდნელზე უფრო სწრაფად იზრდებოდა.
ამჟამად, პოსტპანდემიურ (თუ ჯერ ისევ პანდემიურ?!) პერიოდში ჩვენი გუნდი კვლავ შერეული ფორმატით მუშაობს: ვისაც სურვილი აქვს, ოფისში მისვლა შეუძლია, ვიღაცები კი დისტანციურ მუშაობას ანიჭებენ უპირატესობას. ამიტომაც ჩვენი თანამშრომლები საქართველოს სხვადასხვა წერტილში შეიძლება იყვნენ გაბნეულები და ისე ამზადებდნენ თქვენთვის საინტერესო მასალას.
2020 წლის 31 დეკემბერს, პანდემიის პერიოდში, დისტანციურად აღვნიშნეთ ახალი წელი.
ჭავჭავაძის #20-ში მდებარე ჩვენი პირველი ოფისიდან ახლანდელ ოფისამდე გამოვლილმა გზამ კიდევ ერთი რამ გვასწავლა: გამწვანებულ ეზოს არაფერი შეედრება.
3. საქართველოშიც შესაძლებელია ხარისხიანი სამეცნიერო / ტექნოლოგიური კონტენტის მომზადება
როცა ჩვენი სამეცნიერო-ტექნოლოგიური გამოცემა Next.On.ge პირველ ნაბიჯებს დგამდა, ხშირად ვისმენდით, რომ რა თქმა უნდა, კარგია, სამეცნიერო კონტენტი, მაგრამ საქართველოში ბევრი მკითხველი ვერ ეყოლება, თუმცა Next.On.ge-მ დაამტკიცა, რომ ეს ნამდვილად შესაძლებელია, თანაც ხარისხის სათანადო დაცვით.
Next-ის განყოფილება უკვე ორ წელზე მეტია, რაც ქართულენოვან მკითხველს ყველა საერთაშორისო თუ ადგილობრივი მნიშვნელობის სამეცნიერო მიღწევისა და ტექნოლოგიური სიახლის შესახებ დროულ და ამომწურავ ინფორმაციას აწვდის. ამავდროულად კი სხვადასხვა კრიტიკულად აქტუალური საკითხის შესახებ ვრცელ ანალიტიკურ სტატიებსაც სთავაზობს.
Next-ის განყოფილების ჟურნალისტები და რედაქტორები.
მოკლედ, თუ გინდათ გაიგოთ, რა მოდის შემდეგ, აუცილებლად უნდა ადევნოთ თვალი Next-ს, რომელიც ამ პროფილის ყველაზე დიდი გამოცემაა საქართველოში.
4. ახალი ვარსკვლავების ძიება არასდროს არ უნდა შეწყვიტო და დიდი შანსია, ამ ვარსკვლავებს მიაგნო... სტუდენტებში
თითქმის სამი წლის წინ On.ge-მ ილიას სახელმწიფო უნივერსიტეტთან თანამშრომლობით დაიწყო უნიკალური პროექტი რჩეული, რომლის ფარგლებშიც სტუდენტებს შესაძლებლობა მიეცათ, ჩვენს განყოფილებაში გაევლოთ სტაჟირება, ჟურნალისტური გამოცდილება მიეღოთ და უნივერსიტეტის სტიპენდიაც მოეპოვებინათ.
არა მარტო ამ სტატიის ავტორისთვის, არამედ მთლიანად On.ge-ისთვის განსაკუთრებულად ძვირფასი თანამშრომლის, ქეთი ჩართოლანის რედაქტორობით უკვე ათეულობით სტუდენტმა შეიძინა ინგლისურად ქართულ ენაზე სხვადასხვა თემატიკის სტატიის თარგმნისა და საავტორო იდეებზე მუშაობის გამოცდილება, რამაც ჩვენი მკითხველებისთვის საკითხავი მასალა ერთიორად უფრო გაამრავალფეროვნა.
თანაც მხოლოდ ეს არ არის: პროექტის წარმატებას ცხადყოფს ისიც, რომ სტაჟირების შემდეგ რამდენიმე სტუდენტმა უკვე On.ge-ში გააგრძელა სხვადასხვა პოზიციაზე მუშაობა: მათ შორის არიან ნანუკა სიხარულიძე, მარიამ გაბელაია, გიორგი მუზაშვილი და თემურ ზოიძე.
5. სოციალური მედიის შესაძლებლობები უსაზღვროა და ჩვენც ისე ვგრძნობთ თავს ამ ტერიტორიაზე, როგორც თევზი — წყალში
On.ge თანამედროვე მედიაა და მუდამ ცდილობს, თანამედროვე მკითხველის მოთხოვნებს სათანადოდ უპასუხოს, რითაც მოახერხა, რომ წლების განმავლობაში შეენარჩუნებინა ერთგული მკითხველები, ამავდროულად კი კიდევ უფრო ფართო აუდიტორიისთვის მიეწვდინა ხმა.
ხარისხის დაცვასთან, ინფორმაციის სწრაფად მიწოდებასთან და მრავალფეროვან მასალასთან ერთად ამ შედეგის საიდუმლო ისაა, რომ ჩვენ ყველა შესაძლო პლატფორმას ვიყენებთ ინფორმაციის გასავრცელებლად და მკითხველებთან საკონტაქტოდ: მაგალითად, ჩვენი სერიალების ფეისბუქჯგუფი ერთი სერიაც და... უკვე 35 ათასზე მეტ წევრს აერთიანებს, TikTok-ზე კი ჩვენს ვიდეოებს 400 000-მდე მოწონება აქვს.
დიდი შანსია, შენ, ვინც ამ სტატიას კითხულობ, ჩვენს ერთ ჯგუფში მაინც იყო გაწევრიანებული.
Clubhouse გახსოვთ? მართალია, ხანმოკლე დიდება ჰქონდა, მაგრამ მის შესახებაც ერთი ამბავი საქართველოში სწორედ ჩვენ დავატრიალეთ!
არაფერი რომ არ გამოგრჩეთ, შეგიძლიათ, ჩვენი ინსტაგრამისა და ტვიტერის ანგარიშებსაც ადევნოთ თვალი და მაქსიმალურად სწრაფად გაიგოთ ყველა სიახლე. მოკლედ, სოციალურ პლატფორმებზე ჩვენი დიდი ქსელი გვაქვს, რომელთა შორისაც აუცილებლად იპოვით თქვენთვის საინტერესოს და მაშინვე შემოგვიერთდებით: სრულ ჩამონათვალს ამ ბმულზე იპოვით.
6. როცა არასამუშაო საათებში მთელი გუნდი შეკრებას და დროის ერთად გატარებას გადავწყვეტთ, მაშინ იწყება რევოლუციები და კატაკლიზმები
ღამენათევი ჟურნალისტები
ეს ნაწილი NEWS.On.ge-ის მიემართება და სხვა განყოფილებები იშვიათად თუ შეეცილებიან ამ ტკივილის გაზიარებაში. ახალი ამბების განყოფილების რეპორტიორები, ჟურნალისტები და რედაქტორები ამ ექვსი წლის განმავლობაში მუდმივად ზრუნავდნენ, რომ ყოველთვის დროულად და თანაც კრიტიკული თვალით დანახული ინფორმაცია მიეწოდებინათ მკითხველისთვის.
ამის გამო მათი სამუშაო რეჟიმი გაზაფხულის ამინდზე მეტად არაპროგნოზირებადია: შესაძლოა, ერთმა კვირამ პარლამენტის მოსაწყენი სხდომების გაშუქებაში ჩაიაროს, თუმცა შემდეგ მოულოდნელად ომი დაიწყოს, რომელიც რამდენიმე თვეს გასტანს. ამის გათვალისწინებით ისინი მაინც ახერხებენ, რომ მკითხველებს მუდმივად შესთავაზონ როგორც ვრცელი შემაჯამებელი სტატიები, ისე თემატური ტესტები.
შესაბამისად, მაშინაც კი, როცა რომელიმე თანამშრომლის დაბადების დღეს ან ახალ წელს ვზეიმობთ, ხელში სასმელმომარჯვებული ჩვენი გუნდის წევრებს შორის აუცილებლად იპოვით NEWS-ის განყოფილების ერთ თანამშრომელს მაინც, რომელიც სერიოზული სახით ლეპტოპს მისჩერებია და საზეიმო შეძახილების ფონზე რომელიმე პოლიტიკურ ამბავზე წერს სტატიას.
იმედი გვაქვს, დღეს საღამოს მაინც, ტორტს რომ გავჭრით, ახალი პანდემიის დაწყების შესახებ ცნობა არ გავრცელდება ან რომელიმე ქვეყნის ხელისუფლება არ დაემხობა. ნუ, რუსეთს თუ არ ჩავთვლით — ამ შემთხვევაში საერთო ზეიმისთვის კიდევ ერთი მიზეზი გვექნება.
-
გადახედვაკინოცენტრმა დაფინანსება შეგვიწყვიტა — თბილისის საერთაშორისო კინოფესტივალი კინოცენტრმა დაფინანსება შეგვიწყვიტა — თბილისის საერთაშორისო კინოფესტივალი
-
გადახედვაGPBA: კონსოლიდაცია რუსეთის დამპყრობლურ პოლიტიკასთან ბრძოლის აუცილებელი პირობაა GPBA: კონსოლიდაცია რუსეთის დამპყრობლურ პოლიტიკასთან ბრძოლის აუცილებელი პირობაა
-
გადახედვასააკაშვილი ენმ-ს პარტიის ბორდის შექმნას და თავმჯდომარედ მისი კანდიდატურის განხილვას სთხოვს სააკაშვილი ენმ-ს პარტიის ბორდის შექმნას და თავმჯდომარედ მისი კანდიდატურის განხილვას სთხოვს
-
გადახედვაშესაძლოა, არამიწიერი სიცოცხლე იისფერი ბაქტერიების სახით არსებობდეს შესაძლოა, არამიწიერი სიცოცხლე იისფერი ბაქტერიების სახით არსებობდეს
-
გადახედვაოზურგეთის საკრებულოს თავმჯდომარის, დავით დარჩიას შვილი: არა რუსულ კანონს! ოზურგეთის საკრებულოს თავმჯდომარის, დავით დარჩიას შვილი: არა რუსულ კანონს!
-
გადახედვაკვლევის თანახმად, მელიები ადამიანების "საუკეთესო მეგობრები" იყვნენ კვლევის თანახმად, მელიები ადამიანების "საუკეთესო მეგობრები" იყვნენ
-
გადახედვალაზარეს განაჩენის სარეზოლუციო ნაწილი პრეზიდენტს ჯერ არ მიუღია — მის მოსამზადებლად, მოსამართლემ 14-დღიანი ვადა აიღო ლაზარეს განაჩენის სარეზოლუციო ნაწილი პრეზიდენტს ჯერ არ მიუღია — მის მოსამზადებლად, მოსამართლემ 14-დღიანი ვადა აიღო
-
გადახედვალავროვი ოცნების რუსულ კანონზე ამბობს, რომ "ძალიან რბილია" ლავროვი ოცნების რუსულ კანონზე ამბობს, რომ "ძალიან რბილია"
-
გადახედვადეა მელაძე: არა რუსულ კანონს! გელით რუსთაველზე დეა მელაძე: არა რუსულ კანონს! გელით რუსთაველზე
-
გადახედვავახტანგ გომელაური: აქციის მონაწილეები სიტყვიერ შეურაცხყოფას აყენებდნენ პოლიციას, ამის შემდეგ მოხდა დაპირისპირება ვახტანგ გომელაური: აქციის მონაწილეები სიტყვიერ შეურაცხყოფას აყენებდნენ პოლიციას, ამის შემდეგ მოხდა დაპირისპირება
-
გადახედვახაბეიშვილი: ელისაშვილის ცემა იყო მიზანმიმართული, საზოგადოებას უთხრეს — თუ პარლამენტარს ასე ვექცევით, თქვენ უარესად მოგექცევით ხაბეიშვილი: ელისაშვილის ცემა იყო მიზანმიმართული, საზოგადოებას უთხრეს — თუ პარლამენტარს ასე ვექცევით, თქვენ უარესად მოგექცევით
-
გადახედვარა ეწერა რუსთავი 2-ის საინფორმაციოს უფროსის Whatsapp სტატუსში, რომელიც დღეს გამოქვეყნდა და მალევე წაიშალა რა ეწერა რუსთავი 2-ის საინფორმაციოს უფროსის Whatsapp სტატუსში, რომელიც დღეს გამოქვეყნდა და მალევე წაიშალა
-
გადახედვაოცნების დეპუტატის, გია ცაგარეიშვილის შვილი: მედვედევს რაც მოსწონს, დუგინს რაც მოსწონს — ჩვენ ავტომატურად არ მოგვწონს, 2x2 ოცნების დეპუტატის, გია ცაგარეიშვილის შვილი: მედვედევს რაც მოსწონს, დუგინს რაც მოსწონს — ჩვენ ავტომატურად არ მოგვწონს, 2x2
-
გადახედვატაბიძეზე მომხდარი დაჭრის ფაქტზე ერთ პირს ბრალი წარუდგინეს ტაბიძეზე მომხდარი დაჭრის ფაქტზე ერთ პირს ბრალი წარუდგინეს
-
გადახედვარატომ გაუჩინარდნენ ევროპის მონადირე-შემგროვებლები რატომ გაუჩინარდნენ ევროპის მონადირე-შემგროვებლები
-
გადახედვასაფრანგეთმა აზერბაიჯანიდან კონსულტაციებისთვის ელჩი გაიწვია საფრანგეთმა აზერბაიჯანიდან კონსულტაციებისთვის ელჩი გაიწვია
-
გადახედვაოცნება ოფშორებთან დაკავშირებულ კანონს ივანიშვილს არგებს, იზრდება კრიმინალური და რუსული კაპიტალის შემოდინების რისკიც — TI ოცნება ოფშორებთან დაკავშირებულ კანონს ივანიშვილს არგებს, იზრდება კრიმინალური და რუსული კაპიტალის შემოდინების რისკიც — TI
-
გადახედვამოუსმინეთ: ტეილორ სვიფტმა ახალი "ორმაგი" ალბომი გამოუშვა 31 სიმღერით მოუსმინეთ: ტეილორ სვიფტმა ახალი "ორმაგი" ალბომი გამოუშვა 31 სიმღერით
-
გადახედვაევროკავშირს კი არა, ყველანაირ დასავლეთს დაგვავიწყებენ, არც ვიზალიბერალიზაცია შეგვრჩება — რას ამბობს ოპოზიცია ოფშორების კანონზე ევროკავშირს კი არა, ყველანაირ დასავლეთს დაგვავიწყებენ, არც ვიზალიბერალიზაცია შეგვრჩება — რას ამბობს ოპოზიცია ოფშორების კანონზე
-
გადახედვაპარლამენტმა ე.წ. ოფშორების შესახებ კანონი დაამტკიცა პარლამენტმა ე.წ. ოფშორების შესახებ კანონი დაამტკიცა
-
გადახედვავენერას ატმოსფეროდან კოსმოსში ნახშირბადი და ჟანგბადი ჟონავს ვენერას ატმოსფეროდან კოსმოსში ნახშირბადი და ჟანგბადი ჟონავს
კომენტარები