პოლიტიკური გაერთიანება გირჩის რელიგიურმა ორგანიზაციამ - საქართველოს ქრისტიანულმა, ევანგელისტურმა, პროტესტანტულმა ეკლესიამ - ბიბლიურმა თავისუფლებამ 24 შემომწირველისგან ჯამში 440 ლარი მიიღო. ამის შესახებ On.ge-ს პარტიაში განუცხადეს.

ბიბლიურმა თავისუფლებამ შემოწირულობების მიღება 22 აპრილიდან დაიწყო.

გირჩის ინფორმაციით, დღევანდელი მონაცემებით, ბიბლიურმა თავისუფლებამ 203 მღვდელმსახური აკურთხა.

გირჩის მიერ რელიგიური ორგანიზაციის დაფუძნების შესახებ ინფორმაცია On.ge-მ 21 აპრილს გაავრცელა. პარტიის წევრებმა 2017 წლის მარტში დააფუძნეს რელიგიური ორგანიზაცია, რომელიც სასულიერო პირებს აკურთხებს და შესაბამის ცნობასაც გასცემს. სასულიერო წოდების მქონე ახალგაზრდები კი, შესაბამისი უწყებებისგან სავალდებულო სამხედრო სამსახურის გადავადებას ითხოვენ და მიზანსაც აღწევენ, რადგან კანონში არსებული ჩანაწერი მათ ამის საშუალებას აძლევს.