9,2%-იანი წილის შესყიდვის შემდეგ, ილონ მასკი Twitter-ის სრულად შეძენას გეგმავს. მსოფლიოს უმდიდრესი ადამიანი ამბობს, რომ მზადაა თითო აქცია 54,2 დოლარად შეიძინოს და ჯამში 41,4 მილიარდი გადაიხადოს.

აღსანიშნავია, რომ მასკმა რამდენიმე კვირის წინ Twitter-ის 9,2%-იანი წილი შეიძინა და დაეთანხმა პირობას, რომ საკუთარ აქციებს 14,9%- ზე მეტად არ გაზრდიდა. ამის სანაცვლოდ, მას კომპანიის ბორდში ადგილი შესთავაზეს. რამდენიმე დღის წინ ცნობილი გახდა, რომ მასკმა უარი განაცხადა, შეერთებულიყო კომპანიის ბორდს, რამაც გააჩნინა ვარაუდები, რომ ის კომპანიაში საკუთარი აქციების რაოდენობას გაზრდიდა.

"ილონმა გადაწყვიტა, არ შეუერთდეს ჩვენს ბორდს" — დატვიტა კომპანიის აღმასრულებელმა დირექტორმა პარაგ აგრავალმა. "აღნიშნულის შესახებ უკვე ვაცნობე კომპანიას, რასაც თქვენც გიზიარებთ" — დასძინა მან. აგრავალის თქმით, კომპანიამ მასკს ბორდში ადგილი შესთავაზა და იმედოვნებდა, რომ ის ამ შეთავაზებას დასთანხმდებოდა, თუმცა, როგორც აღმოჩნდა, მასკმა საპირისპირო გადაწყვეტილება მიიღო.

აღსანიშნავია, რომ მასკის მიერ Twitter-ის 9,2%-იანი წილის შესყიდვას კომპანიის ფასიანი ქაღალდების მკვეთრი ზრდა მოჰყვა. ეს კომპანიისთვის საუკეთესო დღე იყო მას შემდეგ, რაც აქციებით ვაჭრობა დაიწყო. სავარაუდოა, რომ კომპანიის სრულად შესყიდვასთან დაკავშირებით მასკის მიერ გაკეთებული განაცხადი Twitter-ის აქციების ფასს კიდევ უფრო გაზრდის. ამჟამად კომპანიის ერთი აქცია 47 დოლარის ფარგლებში ივაჭრება.

ამჟამად Twitter-ის ძირითადი აქციონერები თავად მასკი (9,2%), Vanguard Group (8,4%), და Morgan Stanley Investment Management (8,1%) არიან.

ილონ მასკი Twitter-ზე ყოველთვის აქტიური იყო, თუმცა მას შემდეგ, რაც კომპანიის წილების მფლობელი გახდა, ამ სოციალურ ქსელში კიდევ უფრო გააქტიურდა. მასკი ატარებს გამოკითხვებს და საკუთარ აუდიტორიას სხვადასხვა თემაზე საკუთარ შეხედულებებს აცნობს.

მასკი მსოფლიოს უმდიდრესი ადამიანია. Bloomberg-ის მიხედვით, მისი ქონება 259 მილიარდ დოლარად არის შეფასებული. მასკი Twitter-ის 9,2%-იანი წილის შეძენის შემდეგ ამ კომპანიის მთავარი აქციონერი გახდა. მის პორტფელს სოციალური ქსელების კომპანიის 73,5 მილიონი აქცია შეემატა.

ვაჭრობა/ინვესტირება დაკავშირებულია მაღალ რისკებთან და იმ შემთხვევაშიც კი, თუ რეკომენდაციების შესაბამისად არის განხორციელებული, შესაძლოა გამოიწვიოს არსებითი დანაკარგები, ისევე, როგორც მოგება. თქვენ დეტალურად უნდა გააანალიზოთ, რამდენად მისაღებია თქვენთვის ვაჭრობა/ინვესტირება თქვენი ფინანსური მდგომარეობის გათვალისწინებით და შეგიძლიათ თუ არა გასწიოთ თანხის დაკარგვის რისკი.

აქციებით ვაჭრობა ახლა უკვე საქართველოს ბანკის მობილბანკით არის შესაძლებელი. ესტუმრე მობილბანკს, რომლის საშუალებითაც ისეთი საერთაშორისო კომპანიების ფასიანი ქაღალდებით ვაჭრობას შეძლებ, როგორებიცაა: Apple, Amazon, Microsoft, Tesla, Google და სხვა. ეს სიახლე საქართველოს ბანკმა მისი ჯგუფის შვილობილი კომპანიის, Galt & Taggart-ისა და საერთაშორისო ფინანსური ტექნოლოგიების პლატფორმა DriveWealth-ის პარტნიორობით დანერგა. თუ გსურს მეტი გაიგო ინვესტიციების შესახებ, ესტუმრე ფეისბუქგვერდს — ინვესტიციები, სადაც გაიგებ მეტს, თუ როგორ ივაჭრო აქციებით.