ბრიტნი სპირსი, რომელიც 13 წელი მამის მეურვეობის ქვეშ იყო და 2021 წელს გათავისუფლდა, აცხადებს, რომ ორსულადა. ბრიტნის კანონიერი მეურვე 2008 წელს მენტალური ჯანმრთელობის გაუარესების გამო დაუნიშნეს, რის შემდეგაც მის ფინანსებს, კარიერას და სამედიცინო საკითხებსაც კი მამამისი განკარგავდა.

მომღერალმა თავის 40 მილიონ გამომწერს ინსტაგრამის მეშვეობით შეატყობინა, რომ სემ ასგარისგან ბავშვს ელოდება. 40 წლის ბრიტნის უკვე ორი ვაჟი ჰყავს და როგორც მან გასული წლის სასამართლო პროცესზე განაცხადა, მეურვეობის დროს ქორწინებისა და დაორსულების უფლება არ ჰქონდა.

"ჰორმონული IUD სპირალის გამო დაორსულება არ შემიძლია. ექიმთან არ მიშვებენ, რომ ამოვიღო, რადგან არ სურთ, ბავშვები მყავდეს. ასე რომ, მეურვეობას ჩემთვის უფრო მეტი ზიანი მოაქვს, ვიდრე სიკეთე. დაქორწინება და შვილების გაჩენა მსურს, თუმცა მეურვეობა ამის უფლებას არ მაძლევს", — განაცხადა ბრიტნიმ სასამართლოზე.

მეურვეობიდან გათავისუფლების შემდეგ ბრტინი სპირსი შეყვარებულზე დაინიშნა და ახლა უკვე ორსულადა. ბრიტნიმ ისიც აღნიშნა, რომ სავარაუდოდ, წინ რთული ორსულობა ელის. ამის მიზეზი კი ის არის, რომ ბრიტნი წინა ორსულობის დროს დეპრესიით იტანჯებოდა და მომღერალი ფიქრობს, რომ ახლაც იგივე შეიძლება მოხდეს. თუმცა ბრიტნი ახლა ბედნიერია, რომ თავისი დეპრესიის დამალვა არ მოუწევს და მის გვერდით საყვარელი ადამიანები არიან, რომლებიც დაეხმარებიან.

ასევე იხილეთ: