ამერიკელი მსახიობი, მოდელი და მუსიკოსი მილა იოვოვიჩი საქვეყნოდ ცნობილი მას შემდეგ გახდა, რაც მეხუთე ელემენტში მთავარი როლი შეასრულა. ლილუს როლმა მის კარიერას ერთგვარი სტრუქტურაც შეუქმნა და ამის შემდეგ მას ძირითადად სამეცნიერო ფანტასტიკის ჟანრის ფილმებში ვხედავთ.

მისი სავიზიტო ბარათიც სამეცნიერო ფანტასტიკის ჟანრის ფილმების სერია, პოლ ანდერსონის, ბოროტების სავანე გახდა, რომელმაც მსახიობს რამდენიმე მილიონი დოლარის შემოსავალი მოუტანა.

როგორც მილა ამბობს, ამ ფილმში თამაშს საერთოდ არ აპირებდა, თუმცა როლზე მისმა ძმამ დაიყოლია, რომელიც ვიდეო თამაშების დიდი მოყვარულია.

"ჩემს ძმასთან ერთად დღეში ექვსი საათი ვთამაშობდი კომპიუტერს, ეს იყო ძალიან მაგარი, შავ-ბნელი და საინტერესო თამაში ზომბებზე, რომელმაც საბოლოოდ ანდერსონის ფილმამდე მიმიყვანა და ხანგრძლივ, საინტერესო და ვიტყოდი, გენიალურ ისტორიაში გადამისროლა", - ამბობს მილა.

შეგახსენებთ, რომ სწორედ ეს საინტერესო და შავ-ბნელი ისტორია შეგიძლიათ იხილოთ 30 აპრილს ტელეკომპანია GDS-ზე.

  • 22:00 ბოროტების სავანე: სიცოცხლე სიკვდილის შემდეგ
  • 23:50 ბოროტების სავანე: შურისძიება