აზერბაიჯანულმა კომპანიამ, AzRusTrans-მა უკვე მიიღო შეთავაზება, რომელიც ბაქო-თბილისი-ყარსის სარკინიგზო ხაზზე ტვირთის გადატანას გულისხმობს. AzRusTrans-ის ხელმძღვანელის თქმით, ახალ სარკინიგზო ხაზს დიდი პოტენციალი აქვს.

აზერბაიჯანული მედიის ცნობით, შემოთავაზება უზბეკური მხარისგან მოდის, რომელსაც სურს, რომ თავისი საქონელი რიგასა და ნოვოროსიისკში ჩაიტანოს.

ბაქო თბილისი ყარსის სარკინიგზო მონაკვეთის გახსნამ ივლისისთვის გადაიწია.

რკინიგზის ახალი ხაზი მგზავრობის დროს, ჩინეთიდან ევროპამდე, 45 დღიდან 15 დღემდე შეამცირებს.

ბაქო-თბილისი-ყარსის რკინიგზა ახალი დერეფანი იქნება, რომელიც აზერბაიჯანს, საქართველოსა და თურქეთს სარკინიგზო მაგისტრალით დააკავშირებს. პროექტი ასევე გახსნის ჩრდილო-სამხრეთ დერეფანს რუსეთიდან თურქეთის მიმართულებით.

826 კილომეტრის სიგრძის რკინიგზას შეუძლია მნიშვნელოვნად შეამციროს ტრანზიტის ხანგრძლივობა ევროპასა და ჩინეთს შორის.

ბაქო-თბილისი-ყარსის სარკინიგზო მაგისტრალის მშენებლობას საფუძველი აზერბაიჯანის პრეზიდენტის, ილჰამ ალიევის ინიციატივით ჩაეყარა. პროექტის განხორციელება კი საქართველომ, აზერბაიჯანმა და თურქეთმა 2007 წელს დაიწყეს.