ცოტა ხნის წინ HBO-ის ერთ-ერთი ყველაზე წარმატებული სერიალის, ეიფორიის მეორე სეზონი დასრულდა. სერიალმა მის მსახიობებს განსაკუთრებული წარმატება მოუტანა და მათ შორის ერთ-ერთი მთავარი პერსონაჟის, კესის როლის შემსრულებელი სიდნი სვინიცაა.

ცოტა ხნის წინ სიდნი სვინი ელენ დეჯენერესის შოუში იყო მიწვეული. ელენმა ჰკითხა, როგორ მიიღო მისმა ოჯახმა სერიალში სიდნის გაშიშვლება. სიდნიმ ამაზე უპასუხა, რომ სერიალის პრემიერაზე მთელი ოჯახი დაუფიქრებლად მიიწვია — ბებიისა და ბაბუის ჩათვლით.

"ეს ჰოლივუდური პრემიერა იყო, ამიტომ ყველას ვუთხარი, რომ უნდა მოსულიყვნენ. ერთმანეთის გვერდიგვერდ ვისხედით...უზარმაზარი ეკრანი იყო...წინასწარ არ მიფიქრია, ზედმეტად აღფრთოვანებული ვიყავი", — ამბობს სიდნი.

ელენმა მაშინვე ჰკითხა, თუ რა რეაქცია ჰქონდათ ბებიასა და ბაბუას სიდნის სიშიშვლეზე, რაზეც მსახიობმა უპასუხა: "მათ თქვეს, რომ ჰოლივუდში საუკეთესო ძუძუები მაქვს".

აღსანიშნავია, რომ Cosmopolitan-თან ინტერვიუში სიდნი სვინიმ განაცხადა, რომ ადამიანები მის სამსახიობო უნარებს არაფრად აგდებდნენ მანამ, სანამ The White Lotus-ში არ გამოჩნდა. სიდნის აზრით, ამის მიზეზი ისაა, რომ ეიფორიაში შიშველი სცენები ჰქონდა. სიდნიმ ისიც აღნიშნა, რომ შიშველ სცენებს უბრალო პროფესიულ დავალებად თვლის და არა — ინტიმურ მომენტებად.

ამავე თემაზე:

რა ასაკის არიან ეიფორიის მსახიობები, რომლებიც თინეიჯერებს განასახიერებენ