აშშ-ის 17-მა შტატმა პრეზიდენტ დონალდ ტრამპის ადმინისტრაციას საიმიგრაციო პოლიტიკის გამო სასამართლოში უჩივლა. კერძოდ, საუბარია "ნულოვანი ტოლერანტობის" პოლიტიკაზე, როდესაც მესაზღვრეები მიგრანტ ბავშვებს მშობლებს აშორებდნენ და ცალკე დაწესებულებაში გადაჰყავდათ.

საზღვარზე ოჯახების დაცილების პოლიტიკა 2018 წლის აპრილიდან ამოქმედდა. ამ ხნის განმავლობაში არასრულწლოვნების დაკავების ცენტრში ორი ათასზე მეტი ბავშვი მოხდა. ძლიერი კრიტიკის შემდეგ დონალდ ტრამპმა პოზიცია შეცვალა და ახალი ბრძანებულებით, არალეგალი ოჯახების დაშორება აღარ მოხდება.

კალიფორნიის მოსამართლემ უკვე განსაზღვრა, რომ ბავშვები საზღვარზე დაცილებული ოჯახებს 30 დღის ვადაში უნდა დაუბრუნდნენ, ხოლო ხუთ წლამდე ასაკის ბავშვები 14 დღის განმავლობაში.

ნიუ-იორკის მთავარი პროკურორის განცხადებით, ოჯახებს დაშორებულ მიგრანტ ბავშვებს ფსიქოლოგების დახმარება დასჭირდათ.

საჩივარი ინიციატორები ვაშინგტონის, კალიფორნიისა და ნიუ-იორკის შტატები იყვნენ. მათთან ერთად ტრამპის ადმინისტრაციას უჩივლეს მასაჩუსეტსის, დელავერის, აიოვას, ილინოისის, მერილენდის, როდ-აილენდის, ვერმონტის, ვირჯინიას, მინესოტას, ნიუ-ჯერსის, ნიუ-მექსიკოს, ორეგანოს, პენსილვანიის შტატებმა და კოლუბმიის ოლქმა.

სარჩელში ნათქვამია, რომ საპრეზიდენტო განკარგულება მიგრანტებს არ აძლევს საშუალებას, პროცედურულად ლტოლვილის სტატუსი მიიღონ. ასევე, დოკუმენტში აღნიშნულია, რომ ოჯახების დაშორების მსგავსი პრაქტიკა ეწინააღმდეგება შტატების ინტერესებს, რომლის პოლიტიკაც ბავშვების მზრუნველობაზეა ორიენტირებული. 17 შტატი მოითხოვს, რომ სასამართლოებმა აღიარონ მსგავსი პრაქტიკის არაკონსტიტუციურობა და მის დაუყოვნებლივ შეჩერებას მოითხოვენ.