ამერიკის შეერთებული შტატების ყოფილი პრეზიდენტის, დონალდ ტრამპის სოციალური ქსელი, Truth Social დღეიდან iOS-ზე, ამერიკის App Store-ში უკვე ხელმისაწვდომია.

აპლიკაციის გადმოწერა შესაძლებელი ამერიკაში პრეზიდენტის დღის (21 თებერვალი) წინ გახდა შესაძლებელი.

Truth Social ფაქტობრივად ტვიტერის ასლია. სწორედ ტვიტერი იყო ტრამპის საყვარელი სოციალური ქსელი. ყოფილი პრეზიდენტი Twitter-მა 2021 წლის დასაწყისში დაბლოკა, რადგან მათი აზრით კაპიტოლიუმზე თავდასხმა სწორედ პრეზიდენტის წამაქეზებელმა პოსტებმა გამოიწვია.

Truth Social-ს საკმაოდ უცნაური ვებსაიტი აქვს. Chrome-ის ან Safari-ს გამოყენების შემთხვევაში, ჩატვირთვისას ის HTTP-ს ირჩევს და რეგისტრაციის მსურველთა სახელებსა და მეილებს აგროვებს. როგორც ირკვევა, Truth Social-ს უფრო დაცული HTTPS-ის მხარდაჭერაც აქვს, მაგრამ საიტი ავტომატურად არ გვამისამართებს. თუ დაცული სესია გვსურს, https ჩვენით უნდა ავკრიფოთ.

ზოგ მომხმარებელთან, რომელიც ვებსაიტით დარეგისტირებას ცდილობდა, "Something went wrong" მესიჯი ხტებოდა. ასევე, საიტის მომხმარებლებს რიგში დგომაც მოუწიათ, რადგან, როგორც ვებსაიტი იუწყებოდა "მასობრივი მოთხოვნის გამო" ქსელი დაიტვირთა.