17 თებერვლის ვაჭრობის შედეგად, ლარი დოლართან და ევროსთან მიმართებით გაუფასურდა.

დღეს დადგენილი კურსის მიხედვით, ერთი დოლარის ღირებულება 3,0008 ლარი გახდა, რაც აქამდე მოქმედ კურსთან შედარებით 0,74 თეთრით გაუფასურებას ნიშნავს.

რაც შეეხება ევროს, ამ ვალუტასთან მიმართებით ლარი 0,48 თეთრით გაუფასურდა და ერთი ევრო 3,4113 ლარს გაუტოლდა.

ბოლო ერთი თვის განმავლობაში ლარი გამყარების ტენდენციით ხასიათდებოდა. 15 თებერვალს კი ეროვნული ვალუტა დოლართან მიმართებით თითქმის 6 თეთრით გაუფასურდა.

სებ-ის მიერ დღეს დადგენილი გაცვლითი კურსი ხვალ, 18 თებერვალს შევა ძალაში.