მსახიობი მოზეს ჯეი მოსლი 31 წლის ასაკში გარდაიცვალა. მოსლი The Walking Dead-ში ერთ-ერთი ზომბის როლს ასრულებდა. ის ასევე მონაწილეობა ცნობილ სატელევიზიო შოუებსა და ფილმებში, როგორებიცაა Watchmen და The Hunger Games: Catching Fire.

"ფანები საკუთარი ოჯახის მსგავსად უყვარდა და თავისი სამუშაოთი მუდამ აღტაცებული იყო", — განაცხადა მსახიობის მენეჯერმა. "ჩვენი ფიქრები და ლოცვები TWDFamily-ს წევრ მოზეს ჯეი მოსლისთანაა", — ვკითხულობთ Walking Dead-ის ტვიტერზე.

მოსლი 1990 წელს სამხრეთ კალორინაში დაიბადა და სწავლის დასრულებიდან მალევე სამსახიობო კარიერა დაიწყო. ის 2010 წლიდან მოდელიც გახდა და სხვადასხვა რეკლამაში მიიღო მონაწილეობა.

TMZ-ის ცნობით, მსახიობის ოჯახმა გარდაცვალების დადასტურებამდე პოლიციაში განაცხადა, რომ მოსლი დაკარგული იყო და რამდენიმე დღე ეძებდნენ კიდეც. მისი გარდაცვალების მიზეზი ჯერჯერობით უცნობია და გამოძიება უკვე დაიწყო.