თბილისი ოუფენ ეარის ფესტივალი 16, 17 და 18 ივნისს გაიმართება. ბილეთების გაყიდვა ხვალ, 12 აპრილს, დილის 9 საათზე დაიწყება.

ორგანიზატორების ცნობით სამ სცენაზე სულ 50-მდე არტისტი გამოვა, მათ შორის, Archive, Leningrad, Anathema და სხვა ქართველი და უცხოელი მუსიკოსები. რაც შეეხება ადგილმდებარეობას, ფესტივალი ადგილს ლისის ტბის მიმდებარე ტერიტორიაზე დაიკავებს.

ფოტო: Tbilisi Open Air / Facebook

ორგანიზატორების თქმით, აბონემენტის ფასი 28 აპრილის ჩათვლით 100 ლარი იქნება, ხოლო თიბისი ბანკის ბარათების მფლობელთათვის - 80. 29 აპრილიდან დაიწყება დღიური ბილეთების გაყიდვა, ხოლო აბონემენტის ფასი 150 ლარამდე გაიზრდება. ბილეთები ხელმისაწვდომი იქნება TKT.GE-ზე.

Tbilisi Open Air ყოველწლიური ფესტივალია, რომელიც ღია ცის ქვეშ, ცოცხალი მუსიკის თანხლებით იმართება.