2022 წლიდან, ვითიბი ბანკის საცალო ბიზნესის განვითარების დირექტორის პოზიცია ნათია თხილაიშვილმა დაიკავა. ის, ასევე, დირექტორთა საბჭოს წევრი გახდა. ვითიბიმდე, ნათია პროკრედიტ ბანკში დირექტორატის წევრი იყო და საფინანსო სფეროში საქმიანობის 15 წლიანი გამოცდილება აქვს.

"მინდა მივულოცო ნათიას ვითიბი ბანკის გუნდის წევრობა და წარმატება ვუსურვო თავის მომავალ საქმიანობაში. 2022 წელს, ახალი სტრატეგიით და განახლებული ხედვით ვხვდებით, რომლის ერთ-ერთი მნიშვნელოვანი მიმართულება ჩვენი მომხმარებლისთვის სასიამოვნო საბანკო გამოცდილების შეთავაზებაა. მიხარია, რომ ნათია ამ პროცესის ნაწილი გახდება თავისი ღირებული ცოდნით და გამოცდილებით. აქვე, მინდა მადლობა გადავუხადო ვალერიან გაბუნიას 14 წლის განმავლობაში ჩვენი ბანკის განვითარებაში შეტანილი უდიდესი წვლილისთვის და ვუსურვო ყოველივე საუკეთესო მის სამომავლო საქმიანობაში", — განაცხადა ვითიბის გენერალურმა დირექტორმა არჩილ კონცელიძემ.