აპოკალიფსური ფილმი, სახელად Don't Look Up, რომელშიც კომეტა დედამიწას განადგურებით ემუქრება, სოციალური მედიის მთავარი სასაუბრო თემაა.

გარდა იმ ფაქტისა, რომ Don't Look Up-ში ბევრი ვარსკვლავი მონაწილეობს, მაყურებლების ყურადღება სიუჟეტის არაერთმა დეტალმა მიიპყრო: მაგალითად, გაირკვა, რომ ფილმში გამოყენებული ცხელი ხაზი სინამდვილეში სატელეფონო სექსის ნომერია

ეს მას შემდეგ გახდა ცნობილი, რაც ფილმის მაყურებლებმა გადაწყვიტეს, იმ ნომერზე დაერეკათ, რომლის რეკლამასაც Don't Look Up-ში ვხედავთ.

ფოტო: Netflix

ფილმის ერთ მომენტში ლეონარდო დიკაპრიოს პერსონაჟს ტექნოლოგიური კომპანიის, BASH-ის, რეკლამაში ვხედავთ, რომელიც ცდილობს, ადამიანები კომეტის მოახლოების გამო დაამშვიდოს. შემდეგ კი რეკლამაში ჩნდება ნომერი, რომელიც "სულიერ სიმშვიდეს" გვპირდება, რადგან თუ მასზე მაყურებელი დარეკავს, მის ნებისმიერ კითხვას მეცნიერები უპასუხებენ. ფილმის მაყურებლებმა კი მართლაც დარეკეს ცხელ ხაზზე და ასე აღმოაჩინეს, რომ ეს სატელეფონო სექსის ნომერი ყოფილა.

ფოტო: Netflix

ჯერ არ არის დადასტურებული, სატელეფონო ნომერი განზრახ იყო გამოყენებული, თუ უბრალოდ გადამღებ ჯგუფს შეეშალა. შეცდომებს რაც შეეხება, ფილმის ბოლოს გადამღები ჯგუფის კადრს ვხედავთ, რაც მაყურებელმა შეცდომად ჩათვალა, თუმცა რეჟისორმა ადამ მაკკეიმ განაცხადა, რომ კადრი განზრახ დატოვა, რათა ფილმის გადაღების უცნაური გამოცდილება დაეფიქსირებინა.

ასევე იხილეთ: