ჩვენი საყვარელი ვილანელისა და ივ პოლისტრას დაბრუნებამდე სულ ცოტა დრო რჩება. Killing Eve-ს ფინალური, მეოთხე სეზონის პირველი და მეორე ეპიზოდების პრემიერა 27 თებერვალსაა დაგეგმილი. ამ მოლოდინს კიდევ უფრო ამძაფრებს სერიალის ახალი ტრეილერი, რომელიც სულ ცოტა ხნის წინ გამოვიდა.

"ოდესმე გიფიქრია, რა მოხდებოდა, ის რომ არ გაგვეკეთებინა, რაც გავაკეთეთ?" — ასე იწყება ახალი ტრეილერი, რომელიც, როგორც ყოველთვის, დაძაბულ და საოცარ სანახაობას გვპირდება.

ტრეილერის მიხედვით, ჩვენს საყვარელ პერსონაჟებს ბედნიერი დასასრული არ ექნებათ: "ჩვენნაირ ადამიანებს ბედნიერი ცხოვრება და დასასრული არ ელით".

მეოთხე სეზონში ევას (სანდრა ო) და ვილანელს (ჯოდი კომერი) განსხვავებულ სიტუაციაში ვიხილავთ. ხიდზე შეხვედრის სცენის შემდეგ, ევა შურისძიების გეგმავს, ხოლო ვილანელმა სრულიად ახალი საზოგადოება იპოვა, რათა დაემტკიცებინა, რომ ის "ურჩხული" არ არის.

Killing Eve ამ სეზონით მთავრდება, ამიტომ უნდა ვივარაუდოთ, რომ თითოეული ეპიზოდი და დასასრულიც ფანებისთვის განსაკუთრებულად ემოციური იქნება.

ამავე თემაზე: