თბილისის მერიის ინფორმაციით, დინამო არენაზე დაგეგმილ რობი უილიამსის კონცერტთან დაკავშირებით, დღის განმავლობაში სტადიონის მიმდებარედ მოძრავი საზოგადოებრივი ტრანსპორტის მოძრაობა იცვლება.

დიდუბიდან ქალაქის ცენტრისკენ მიმავალი ავტობუსები: N15, 20, 27, 33, 84 და 86 წერეთლის გამზირიდან ცაბაძის ქუჩისა და აღმაშენებლის გამზირის ნაცვლად, მოძრაობას გააგრძელებენ დეზერტირების ბაზრის მიმდებარედ, წინამძღვრიშვილის ქუჩით.

ხოლო, ცენტრალური უბნებიდან დიდუბისკენ მიმავალი მარშრუტები: N 20 და 33 თამარ მეფის ქუჩიდან მოძრაობას გააგრძელებენ წინამძღვრიშვილის ქუჩით. ამ შემთხვევაში, N15, 27, 84 და 86-ის მარშრუტებს ცვლილება არ შეეხება.

მერიის განცხადებით, ანალოგიური სქემით იმოძრავებენ მიკროავტობუსებიც.