ASB საქართველომ სამოქალაქო ჩართულობისა და ერთიანი ძალისხმევის შედეგად, ტყიბულელი ხანდაზმულების ცხოვრების ხარისხის გაუმჯობესება შეძლო.

"გვყავს 30 ბენეფიციარი. ჩვენი სერვისი ხანდაზმულებისათვის გულისხმობს კომპლექსურ მომსახურების მიწოდებას: საყოფაცხოვრებო, ჰიგიენური მომსახურება, სოციალური და ფსიქოლოგიური მხარდაჭერის სერვისები. დამატებითი სერვისები, ისეთები როგორიცაა ზამთრისათვის შეშის მარაგით უზრუნველყოფა და სხვადასხვა ასეთი სახის მომსახურებას ვუწევთ ჩვენს ბენეფიციარებს", — აღნიშნავს ზაზა გოჩელაშვილი, ტყიბულის რაიონის განვითარების ფონდის ხელმძღვანელი.

აღსანიშნავია, რომ 2020 წლის მარტის თვიდან ტყიბულის მუნიციპალიტეტი სრულად აფინანსებს სერვისის განხორციელებას. ბიუჯეტში გამოყოფილია ყოველწლიურად 40 000 ლარამდე. აღსანიშნავია ისიც, რომ სერვისი გამრავალფეროვნდა და საკვები პროდუქტები დაამატა მუნიციპალიტეტმა და ყოველთვიურად ბენეფიციარებს მიეწოდებათ მშრალი საკვები პროდუქტებიც.

გიზიარებთ ვიდეოს, სადაც თვალნათლივ ჩანს თუ რა შედეგი აქვს საზოგადოების მონაწილეობას გადაწყვეტილების მიღების პროცესში ადგილობრივ მთავრობასთან ერთად.

პროექტი "პარტნიორობა ჩართულობითი პოლიტიკის შესაქმენლად" დაფინანსებულია ევროკავშირის მიერ (European Union in Georgia) და მას ახორციელებს ASB საქართველო, პარტნიორ ორგანიზაციებთან CHCA და Kakheti Regional Development Foundation (KRDF) ერთად.