კიანუ რივზს სურს, რომ Marvel-ის სამყაროს შეუერთდეს

კიანუ რივზმა განაცხადა, რომ მარველის კინემატოგრაფიული სამყაროს ნაწილად გახდომაზე უარს არ იტყოდა.

მიმდინარე ჭორებთან დაკავშირებით, რომ ის შეიძლება მალე მარველის ერთ-ერთი ახალი ფილმის მთავარ პერსონაჟად ვიხილოთ, მსახიობმა Esquire-სთან ინტერვიუში განაცხადა, რომ ეს "პატივი იქნებოდა".

"განა მარველი სამყაროზე დიდი არ არის? ეს თითქმის მულტივერსია, უფრო სწორად, მარველის მულტისამყარო, რომლის წევრობაც დიდი პატივი იქნებოდა. მარველში საოცარი წარმოსახვის უნარის მქონე ადამიანები და რეჟისორები იმას აკეთებენ, რაც აქამდე არავის გაუკეთებია. ეს ფილმები განსაკუთრებულია მასშტაბის, ამბიციისა და წარმოების თვალსაზრისით. ასე რომ, კარგი იქნებოდა, ამის ნაწილი მეც ვიყო", — ამბობს კიანუ.

კიანუ რივზს მალე The Matrix Resurrections-ში კერი-ენ მოსთან ერთად ისევ ნეოს როლში ვიხილავთ. ჯადა პინკეტ სმიტი, ლამბერტ იულსონი და დენიელ ბერნჰარდი The Matrix Resurrections-ში თავიანთ როლებს კვლავ შეასრულებენ. რაც შეეხება ახალ მსახიობებს, ფილმს იაია აბდულ-მატინი, ჯესიკა ჰენვიკი, ნილ პატრიკ ჰარისი და კრისტინა რიკი შეუერთდებიან.

წინა ფილმების მსახიობებიდან ლოურენს ფიშბორნი და ჯინა ტორესი მატრიცას ახალ ნაწილში აღარ ბრუნდებიან. ჯინა ტორესი იმედგაცრუებულია, რომ ახალ ფილმში მონაწილეობისთვის არ მიიწვიეს. ხოლო ლოურენს ფიშბორნი ჯერ კიდევ ვერ იგებს, რატომ აღარ არის მისი პერსონაჟი ფილმისთვის საჭირო.

The Matrix Resurrections დიდი ბრიტანეთის კინოთეატრებში 2021 წლის 22 დეკემბერს გამოვა. აშშ-ში კი მაყურებლებს ფილმის ნახვა იმავე დღეს HBO Max-ზე შეეძლებათ.