ცოტა ხნის წინ ინტერნეტსივრცე ავიაკომპანია Air India-ს უფრთო თვითმფრინავის ვიდეომ მოიცვა, რომელიც ხიდის ქვეშაა გაჭედილი. უცნაური ინციდენტი ინდოეთის დედაქალაქ დელიში მოხდა. ვიდეო ტვიტერზე ჟურნალისტმა გაავრცელა:

ჟურნალისტმა ვიდეოს თან კომპანიის განცხადება დაურთო, რომლის მიხედვითაც, Air India-ს თვითმფრინავთან კავშირი აღარ აქვს, რადგან ის ექსპლუატაციაში აღარაა და კომპანიამ იგი სხვას მიყიდა. ვიდეო სწორედ ახალი მყიდველის მიერ თვითმფრინავის გადაზიდვის პროცესში მომხდარ ინციდენტს ასახავს.

დელის აეროპორტის წარმომადგენლებმა გამოცემა Times of India-ს უთხრეს, რომ თვითმფრინავი აეროპორტში ფრენებს არ ასრულებს და, სავარაუდოდ, კონკრეტულმა პილოტმა მისი გადაყვანისას რაღაც შეცდომა დაუშვა.

ყველას, ვინც ვიდეო ნახა, ერთი კითხვა აწუხებს: მაინც როგორ აღმოჩნდა თვითმფრინავი ხიდის ქვეშ?