რამდენიმე დღის წინ კინოთეატრებში დისნეის ახალი ფილმი მზეთუნახავი და ურჩხული გამოვიდა, რომელშიც მთავარ როლს ემა უოტსონი ასრულებს.

ვინც უკვე მოასწრო ფილმის ნახვა, შესაძლებლობა ჰქონდა სელინ დიონის ახალი სიმღერა მოესმინა.

"მოხარული ვარ გაცნობოთ, რომ დისნეის ახალ ფილმში მზეთუნახავი და ურჩხული ახალ სიმღერას How Does A Moment Last Forever ვიმღერებ", წერდა დიონი ტვიტერზე.

ახალი სიმღერის ავტორი და კომპოზიტორი ალან მენკენია, ტექსტი კი ტიმ რაისს ეკუთვნის. როგორც პროდიუსერები ამბობენ, სელინ დიონის სიმღერა ფილმის მთავარი საუნდტრეკი იქნება.