ევროპული საქართველოს თავმჯდომარე გიგა ბოკერია ამბობს ქართულ ოცნებასა და ყოფილ პრემიერმინისტრ გიორგი გახარიას შორის არსებულ დაპირისპირებას საზოგადოებამ არჩევნებზე მისვლითა და მმართველი პარტიის დამარცხებით უნდა უპასუხოს.

"გულწრფელ უთანხმოებას კი არ აქვს ადგილი, თუნდაც მნიშვნელოვან საკითხებზე, უბრალოდ ერთმანეთში დაპირისპირებაა პერსონალური და ამ დაპირისპირებისას არც პოლიტიკურ ღირებულებებს აქვს მნიშვნელობა, არც ქვეყნის მომავალზე რამე ხედვას, უბრალოდ ცილისწამებისა და სიბინძურის ნიაღვარს, ამ ჭაობში უნდა რომ ჩაგვაფლოს და ამიტომ უნდა დავამარცხოთ მთლიანად ეგ რეჟიმი ამ არჩევნებზე მისვლით", — აცხადებს ბოკერია.

ქართულ ოცნებასა და ყოფილ პრემიერმინისტრ გიორგი გახარიას დაპირისპირების პარალელურად, თბილისში გვიან ღამით ბანერი წარწერით "არა ნაცებს, არა ბოროტებას" ისევ გამოჩნდა, თუმცა ამჯერად გიორგი გახარიას ფოტო დაამატეს, წარწერას კი "არა ღალატს". დედაქალაქის შემდეგ ბანერი წარწერით "არა ნაცებს, არა ბოროტებას" საქართველოს სხვა ქალაქებშიც გააკრეს.