გირჩი — მეტი თავისუფლების წევრებმა სახელმწიფო უსაფრთხოების სამსახურის შენობასთან სიმბოლურად შკოდა ოქტავია დალეწეს. ამით მათ უკანონო მიყურადება გააპროტესტეს.

ზურაბ ჯაფარიძის თქმით, მანქანა მათი საკუთრებაა.

"ეს მორდორი არის დასანგრევი, როგორც კი ხელისუფლება შეიცვლება, პირველი რაც არის გასაკეთებელი, ეს საგიჟეთი არის დასამთავრებელი. ამათი სიმბოლოა შკოდა ოქტავიები, რომლითაც დადიან. ეს მორდორი უნდა დაინგრეს, დაილეწოს და დაიფშვნას ზუსტად ისე, როგორც ამათი სიმბოლო — შკოდა ოქტავია დაილეწება ახლა", — განაცხადა ჯაფარიძემ ფეისბუქლაივში.

ფოტო: ზურაბ ჯაფარიძე / Facebook

კადრებში ჩანს, რომ პერფორმანსის დროს პოლიციამ პარტიის ორი წევრი, ბორის ჩელე ყურუა და ნიკა მოსიაშვილი დააკავა.

როგორც On.ge-ს შინაგან საქმეთა სამინისტროში განუცხადეს ყურუა და მოსიაშვილი ადმინისტრაციულ სამართალდარღვევათა კოდექსის 166-ე და 173-ე მუხლის საფუძველზე დააკავეს, რაც გულისხმობს წვრილმან ხულიგნობასა და პოლიციის მოთხოვნისადმი დაუმორჩილებლობას გულისხმობს.