წიგნის ყველაზე დიდი მაღაზიები მსოფლიოში

თუ კითხვაც გიყვართ და მოგზაურობაც, სავარაუდოდ, ახალ ქვეყანაში ჩასვლისას წიგნის მაღაზიებს სტუმრობთ. პატარა მყუდრო მაღაზიებს გარკვეული ხიბლი აქვთ, მაგრამ წიგნების მრავალფეროვნების მხრივ კონკურენციას ვერ უწევენ დიდ მაღაზიებს.

ჩვენ გთავაზობთ წიგნის მაღაზიებს მთელი მსოფლიოს გარშემო, რომელთაც აუცილებლად უნდა ეწვიოთ:

_{პაუელის წიგნის მაღაზია}

_{პოლონეთი, ორეგონი}

პაუელის წიგნის მაღაზია შთამბეჭდავი სიდიდით გამოირჩევა, აქ მილიონამდე წიგნის ნახვაა შესაძლებელი.

_{მზარეული და წიგნი}

_{ბრიუსელი, ბელგია}

ეს მაღაზია კულინარიული წიგნების მოყვარულთათვის ნამდვილი სამოთხეა. სივრცე რვა თემატურ სექციად არის გაყოფილი კვების სფეროების მიხედვით. აქ ვერც ის ადამიანები მოიწყენენ, რომელთაც კითხვა არ უყვართ. მუსიკისა და ღვინის ოთახი არავის ტოვებს გულგრილს.

_{ჯონ კინგი და იშვიათი წიგნები}

_{დეტროიტი, მიჩიგანი}

დეტროიტის ამ მაღაზიაში ბუკინისტური წიგნებია განთავსებული. იმის გამო, რომ კოლექციას ყოველდღიურად უამრავი ახალი წიგნი ემატება, კომპიუტერული საძიებო სისტემა მაღაზიას არ აქვს. სამაგიეროდ, თანამშრომლებმა იციან, რომელი წიგნი სად დევს. თუ მათი დახმარებით სარგებლობა არ გსურთ, შეგიძლიათ მთელი დღე ათვალიეროთ ეს ვინტაჟური თაროები.

_{ვოთერსთოუნსი}

_{ლონდონი, ინგლისი}

ვოთერსთოუნსი ყველაზე დიდი წიგნის მაღაზიაა დიდ ბრიტანეთსა და ევროპაში. თქვენს განკარგულებაში წიგნებით გადავსებული 6 სართულია.

_{სტრენდი}

_{ნიუ-იორკი}

სტენდი ნიუ-იორკში ყველაზე ცნობილი მაღაზიაა. აქ როგორც ახალი, ასევე ძველი, იშვიათი წიგნების პოვნაც შეგიძლია.

_{ბუქვორმი}

_{პეკინი, ჩინეთი}

ეს კიბე სადღაც გინახავთ, არა? ბუქვორმი ცნობილი ადგილია პეკინში და ის ბიბლიოთეკისა და ბარის ფუნქციასაც ითავსებს. მაღაზია უქმე დღეებში ღამის პირველ საათამდე მუშაობს.

_{ბართის წიგნები}

_{ოჰაი, კალიფორნია}

ბართის წიგნების მაღაზია ღია ცისქვეშაა განთავსებული და განსაკუთრებული სისტემით მუშაობს. აიღე რომელი წიგნიც გინდა და დატოვე თანხა, რომელსაც თავად მიიჩნევ მიზანშეწონილად.