ალბათ უკვე ყველამ კარგად იცით, თუკი ვინმესთან ყოფნა გვინდა, მათი წარსული უნდა დავივიწყოთ და მათ მეგობრებთან კარგი ურთიერთობა უნდა გვქონდეს.

უკვე 25 წელია სხვადასხვა თაობები სიმღერა Wannabe-ზე ცეკვავენ და მისი ტექსტი თითქმის ყველამ ზეპირად იცის. ყველასთვის საყვარელი ჯგუფის წევრებმა ეს ღირსშესანიშნავი თარიღი ინსტაგრამის საშუალებით აღნიშნეს და 90-იან წლებში გადაღებული ფოტოები გამოაქვეყნეს.

ჯერი ჰოლიველიმ, იგივე ჯინჯერ სფაისმა მისი სახის უკანა ეზოში გადაღებული ფოტო გამოაქვეყნა. ჯერის თქმით, ამ სიმღერამ ხუთივე გოგოს ცხოვრება შეცვალა. ისინი მის ეზოში უსმენდნენ რადიოს, როცა გამოაცხადეს, რომ Wannabe-მ ჩარტებში მესამე ადგილი დაიკავა.

"ამ დღეს ყველას ოქროს ბეჭედი ვუყიდე, რაც ჩვენი მეგობრობის სიმბოლო იყო. ეს კავშირი დღემდე გრძელდება და დროს უძლებს. ძალიან დიდი მადლობა ჩვენს გულშემატკივრებს, რომლებიც მუდამ ჩვენი ერთგულები იყვნენ და ყოველთვის მხარს გვიჭერდნენ", — დაწერა ჯერიმ.

ჯერის შემდეგ 25 წლისთავი ემა ბანტონმაც, იგივე ბეიბი სფაისმა აღნიშნა. მან გოგოების 1996 წლის ფოტო გამოაქვეყნა. ემას თქმით, პირველად ჯგუფის პოსტერი საყვარელი რესტორნის ვიტრინაში შენიშნა და სწორედ მაშინ მიხვდა, რომ რაღაც განსაკუთრებულის ნაწილი იყო.

მელანი ბრაუნმა, იგივე სქერი სფაისმა სპეციალურად ამ დღისადმი მიძღვნილი ვიდეო გააზიარა და თან დააწერა, რომ ისინი აუცილებლად დაბრუნდებიან. რაც იმას ნიშნავს, რომ შეიძლება გოგოებმა ახლო მომავალში კონცერტიც კი გამართონ.

წვეულებას არც მელანი ჩისჰოლმი, იგივე სპორტი სპაისი გამოაკლდა. მან კლიპის გადაღების მომენტები გაიხსენა, როგორც ჩანს კიბეებზე ცეკვა არც ისე მარტივი იყო.

ვიქტტორია ბექჰემი იგივე ფოშ სფაისი ამ მოვლენას თავის ინსტაგრამ სთორიზე გამოეხმაურა და აღნიშნა, რომ გოგოებთან გატარებულმა დრომ მისი ცხოვრება შეცვალა.

ფოტო: Instagram

სწორედ Wannabe დაეხმარა გუნდს ბრიტანეთის შედეგ პოპულარობა ამერიკაშიც მოეპოვებინათ, მათი პირველი ალბომის გაყიდვამ კი უამრავი რეკორდი მოხსნა.