Google-ს ამჟამინდელ კომპლექსს სულ მალე ახალი ნაწილი შეემატება - ფუტურისტული კამპუსი, რომელიც ღია იქნება როგორც თანამშრომლებისთვის, ასევე ადგილობრივი მოსახლეობისა და ტურისტებისთვის.

კომპანიამ უკვე შეიტანა პროექტი ქალაქ Mountain View-ს საბჭოში და პროექტის დადასტურებას ელოდება.

ფოტო: Google

დაგეგმილია პატარა პარკების გაშენებაც, სადაც კაფეები მოეწყობა. ხოლო იმისთვის, რომ ეს საჯაროობა გუგლში მომუშავე პერსონალისთვის შემაწუხებელი არ იყოს, ისინი ახალი შენობის მეორე სართულზე იმუშავებენ.

პროექტის დადასტურების შემთხვევაში, გუგლი მშენებლობას მალევე დაიწყებს - სამუშაოები 30 თვის მანძილზე გაგრძელდება.