დაავადებათა კონტროლის ეროვნული ცენტრის ხელმძღვანელის, ამირან გამყრელიძის განცხადებით, მაღალი ალბათობით ივლისიდან ოქტომბრის ჩათვლით საქართველო 3 მილიონ 200 ათასზე მეტ ვაქცინას მიიღებს. ამის შესახებ მან საკოორდინაციო საბჭოს სხდომაზე ისაუბრა.

"ივლისიდან ჩვენ რომ ჩვენს სამიზნე მაჩვენებელზე გავიდეთ, გვჭირდება, დაახლოებით, 20-25 ათასამდე აცრა ყოველდღიურად. ამისთვის ახლა ვემზადებით, ჩვენ, გარკვეულად, ძალიან მაღალი ალბათობით, გვაქვს დადასტურება, რომ ივლისი, აგვისტო, სექტემებრ, ოქტომბერში ქვეყანა მიიღებს, დაახლოებით 3 200 000-ზე მეტ ვაქცინას, ანუ ჩვენ შეგვეძლება, ე.წ. მასობრივი ვაქცინაციის დაწყება", — თქვა მან.

საქართველოში ვაქცინის ორივე დოზით ორივე 50 000-ზე მეტი ადამიანია აცრილი. ქვეყანაში Covid-19-ის საწინააღმდეგო აცრა, ამ ეტაპისთვის, ოთხი — AstraZeneca, Pfizer-ის, Sinopharm-ისა და Sinovac-ის ვაქცინით არის შესაძლებელი. ქვეყანაში ვაქცინაცია AstraZeneca-ს ვაქცინით 15 მარტიდან დაიწყო.

გაიგეთ მეტი ვაქცინაციის მნიშვნელობაზე: