ბოლო პერიოდში სიმსივნე ერთ-ერთი ყველაზე გავრცელებული დაავადებაა, რომლის ხსენებაც კი ბევრ ადამიანში შიშს იწვევს. თითქოს არ აქვს მნიშვნელობა, რამდენი წლის ვართ, რამდენად ჯანსაღად ვცხოვრობთ, სიგარეტს ვეწევით თუ არა, სიმსივნის დიაგნოზი ჩვენს ცხოვრებაში მაინც შეიძლება აღმოჩნდეს. მაგრამ თუკი ადრე იგი სასიკვდილო განაჩენი იყო, მედიცინის განვითარებასთან ერთად კიბოსთან ბრძოლაში გამარჯვების შანსები საგრძნობლად გაუმჯობესებულია.

ერთ-ერთი პირველი ფრაზა, რომელიც სიმსივნის დიაგნოზის დასმის შემდეგ ისმის, არის: "მე მგონი, უნდა გადავამოწმოთ და მეორე აზრიც მივიღოთ". რასაკვირველია, მეორე აზრის მიღება ყოველთვის ფინანსებთან არის დაკავშირებული. ევროპის სხვა ქვეყნებისგან განსხვავებით, ჩვენთან დაზღვევა არც ისე პოპულარულია, ამიტომ მოსახლეობამ შეიძლება არც კი იცის, რომ მსგავსი სერვისების დაფინანსება შესაძლებელია.

მაგრამ, რაც დრო გადის, სადაზღვევო სერვისები უფრო ვითარდება და კომპანიები მომხმარებლებს მრავალფეროვან არჩევანს სთავაზობენ. ერთ-ერთი უახლესი შეთავაზება, ჯი პი აი ჰოლდინგისგან მივიღეთ. საერთაშორისო კონსილიუმი — ჯი პი აი ჰოლდინგის ახალი სერვისია, რომელიც დაზღვეულებს საზღვარგარეთ, მსოფლიოს წამყვან კლინიკებში დიაგნოზზე დამატებითი ინფორმაციის, ე.წ. მეორე აზრის მიღების შესაძლებლობას აძლევს. ამ სერვისის ფარგლებში პაციენტების სამედიცინო ისტორიას და დიაგნოზს მსოფლიოში წამყვანი სპეციალისტები განიხილავენ. საერთაშორისო კონსილიუმის სერვისით სარგებლობა პაკეტი "ონკოქეარის" მფლობელებს, ყოველგვარი ზედმეტი დანახარჯების გარეშე შეუძლიათ.

როცა ამ სერვისის გამოყენებაზე ვფიქრობთ, აუცილებელია ისიც ვიცოდეთ, რომელ კლინიკას უნდა მივმართოთ მეორე აზრის გასაგებად. სწორედ ამიტომ, გადავწყვიტეთ სამედიცინო დაწესებულებების კვლევა ჩაგვეტარებინა და გვეპოვა 6 საუკეთესო კლინიკა საზღვარგარეთ, სადაც სიმსივნეს ამარცხებენ.

1. Brigham and Woman’s Hospital (აშშ)

Brigham and Woman’s ერთ-ერთი ყველაზე წარმატებული სამედიცინო დაწესებულებაა ამერიკაში. 2020 წელს მისი შეფასების ქულები საგრძნობლად გაიზარდა სხვადასხვა მიმართულებით. ის მეხუთე ადგილზეა რევმატოლოგიის მიხედვით; მეექვსე ნევროლოგიისა და კიბოსთვის; მეშვიდე კარდიოლოგიისა და გულის ქირურგიისთვის; მერვე გინეკოლოგიისთვის.

თუკი პაციენტების შეფასებას გავითვალისწინებთ, აშკარაა, რომ საავადმყოფოში ძალიან მეგობრული კოლექტივი მუშაობს, რომელიც მუდამ მზადაა დასახმარებლად და პაციენტის კომფორტზე და სიმშვიდეზეა ორიენტირებული.

"ძალიან ვამაყობ, რომ ჩვენი საავადმყოფო ყოველთვის მოწინავე ადგილზეა. ეს ჩვენთან მომუშავე პერსონალის წარმოუდგენელი თავადების, ერთგულების და შრომისმოყვარეობის დამსახურებაა", — აცხადებს საავადმყოფოს მთავარი ექიმი ბეტსი ნაბელი.

2. The Royal Marsden Hospital (ინგლისი)

The Royal Marsden Hospital არა მხოლოდ ერთ-ერთი საუკეთესო, არამედ მსოფლიოში პირველი საავადმყოფოა, რომელიც კიბოს დიაგნოსტიკის, მკურნალობის, კვლევისა და ამ საკითხთან დაკავშირებულ განათლების კუთხით მუშაობს.

ის 1851 წლიდან წამყვანი საავადმყოფოა ფილტვის კიბოს კვლევასა და მკურნალობაში. საავადმყოფოში პაციენტებს არა მარტო კიბოს დამარცხებაში ეხმარებიან, არამედ მის გარეშე ცხოვრების გაგრძელებაშიც უწყობენ ხელს.

საავადმყოფოს ერთ-ერთი პაციენტი მათ შეფასებისას წერს: "მას შემდეგ, რაც პროსტატის კიბო დამიდგინდა, 6 წლის განმავლობაში პირველად მომიწია ჰოსპიტალიზაცია, თუმცა გულს იმით ვიმშვიდებდი, რომ საუკეთესო ექიმები იზრუნებდნენ ჩემზე. ისინი მკურნალობის ყველა ეტაპზე მექცეოდნენ საოცარი თანაგრძნობით და თავაზიანობით. მთელი ჩემი ცხოვრება მათი მადლიერი ვიქნები".

3. Harvard Medical School Teaching Hospitals (აშშ)

ჰარვარდის სამედიცინო სკოლას ასოცირებული შეთანხმება აქვს 15 პრესტიჟულ საავადმყოფოსთან და კვლევით ინსტიტუტებთან. მისი მნიშვნელოვანი პარტნიორები უზრუნველყოფენ როგორც პაციენტზე კლინიკურ ზრუნვას, ასევე პერსონალის გადასამზადებელ ტრენინგებს.

ჰარვარდის სამედიცინო სკოლა მსოფლიოში ერთ-ერთ სასწავლო სამედიცინო დაწესებულებად ითვლება. ჰარვარდის სკოლის სამედიცინო ონკოლოგიის დეპარტამენტი ახორციელებს კლინიკურ კვლევებს და ამ სფეროში განათლების, ტრენინგებისა და სწავლების კუთხით ერთ-ერთი საუკეთესოა.

4. Cedars-Sinai Medical Center (აშშ)

2021 წელს Cedars-Sinai კიდევ ერთხელ აღიარეს U.S. News & World Report-ში, როგორც ქვეყნის ერთ-ერთი საუკეთესო საავადმყოფო. აშშ-ის რეიტინგი ემყარება სხვადასხვა კრიტერიუმს, მათ შორის პაციენტის მკურნალობის შედეგებს, მათ გამოცდილებას, ტექნოლოგიასა და რეპუტაციას.

მიუხედავად იმისა, რომ საავადმყოფოს შეფასებისას პაციენტებს იმედი აქვთ, რომ იქ აღარ მოხვდებიან, ისინი მაინც აღნიშნავენ, რომ ეს ერთ-ერთი საუკეთესო ადგილია სამკურნალოდ და სხვა დაწესებულებებისგან განსხვავებით, საჭმელიც კი გემრიელი აქვთ.

5. Boston Children’s Hospital (აშშ)

Boston Children’s Hospital 7 წლის განმავლობაში ზედიზედ აღიარეს, როგორც საუკეთესო საავადმყოფო თავის სფეროში. რეიტინგის შედგენისას გაითვალისწინეს პაციენტების შედეგები, მათ შორის — სიკვდილიანობისა და ინფექციების მაჩვენებლები, აგრეთვე, დაწესებულების ხელმისაწვდომი კლინიკური რესურსებისა და საუკეთესო პრაქტიკის შესაბამისობა.

პაციენტების შეფასების მიხედვით, საავადმყოფოს პერსონალი არა მხოლოდ მათ გამოჯანმრთელებაზე ზრუნავს, არამედ განწყობის ამაღლებასაც ცდილობს. ზღაპრის გმირების ფორმაში გამოწყობილი მედდები ბავშვებს ხშირად ეთამაშებიან ხოლმე და ცდილობენ მათი დღე საავადმყოფოში უფრო ფერადი და სახალისო გახადონ.

6. Kings College of London (ბრიტანეთი)

ლონდონის კინგ კოლეჯი ინგლისის ერთ-ერთი უძველესი და პრესტიჟული უნივერსიტეტია, რომელსაც წამყვანი ადგილი უკავია სამეცნიერო უნივერსიტეტებს შორის.

მისი ონკოლოგიური კვლევის განყოფილება მსოფლიოში ერთ-ერთი ყველაზე წარმატებულია ძუძუს კიბოსთან ბრძოლაში. ისინი ატარებენ უჯრედულ, გენეტიკურ და პროტეომიულ კვლევებს მკერდის სიმსივნის ნიმუშებზე. მიღებულ მონაცემებს ძირითადი ბიოლოგიური ხედვებისა და (იმუნო) თერაპიების სახით იყენებენ.

ჯი პი აი ჰოლდინგი საერთაშორისო კონსილიუმის სერვისის მიწოდებას პარტნიორ საერთაშორისო კომპანია მედიგაიდთან და კლინიკა კურაციოსთან ერთად განახორციელებს. დიაგნოზის გადასამოწმებლად ჯი პი აის დაზღვეულმა უნდა დარეკოს ცხელ ხაზზე და გაესაუბროს მედიგაიდის წარმომადგენელს. გადამოწმებულ დიაგნოზს, დასკვნას და მკურნალობის განახლებულ გეგმას პაციენტი 10 სამუშაო დღეში მიიღებს.

მედიგაიდი საერთაშორისო კომპანიაა, რომელიც 1990 წელს აშშ-ში დაარსდა და 152-ზე მეტ ქვეყანაში აძლევს საშუალებას ადამიანებს სამედიცინო დიაგნოზი მსოფლიოს წამყვან კლინიკებში გადაამოწმონ.