ოსკარების 2021 წლის დაჯილდოებაზე ფრენსის მაკდორმანმა ჯილდო მესამედ მოიპოვა, სანაცვლოდ კი გლენ ქლოუზი მერვე ნომინაციის შემდეგაც ოსკარის გარეშე დარჩა.

დიახ, წელს ფილმში Hillbilly Elegy შესრულებული როლისთვის გლენ ქლოუზი მეორეხარისხოვანი როლის შემსრულებელი მსახიობი ქალის კატეგორიაში იყო წარდგენილი, რაც მისი რიგით მერვე ოსკარის ნომინაცია იყო.

მართალია, ამ ნომინაციაში ფილმის Minari მსახიობმა იუნ იუ-ჯუნგი გაიმარჯვა, თუმცა არც გლენ ქლოუზი დარჩენილა ჩრდილში: ერთ მომენტში მან ლამის მთელი საღამოს ყურადღებაც მიისაკუთრა.

ცერემონიის განმავლობაში ერთ-ერთი თანაწამყვანი, ლილ ჰოუვერი, მოწვეულ სტუმრებს სიმღერებს ასმენინებდა და მათ უნდა გამოეცნოთ, იყო თუ არა აღნიშნული სიმღერა ოსკარებზე წარდგენილი. გლენ ქლოზს სპაიკ ლის ფილმის School Daze საუნდტრეკი Da Butt შეხვდა და მარტივად გამოიცნო კიდეც.

ფოტო: ABC / Giphy

და იქვე რიტმსაც ააყოლა სხეული!

მართალია, 74 წლის მსახიობმა ოსკარის მოოქროვილი ჯილდო კვლავ ვერა, თუმცა მაყურებლების გული ნამდვილად მოიგო და ლამის ლოს-ანჯელესში გამართული ცერემონიის ყველაზე დასამახსოვრებელ ვარსკვლავადაც იქცა.

ასევე იხილეთ: