სულ ახლახან, 26 აპრილს, ოსკარების 93-ე დაჯილდოების ცერემონია დასრულდა, სადაც რეჟისორი ქლოა ჭაო ნამდვილი ტრიუმფატორი გახდა: მისი ფილმი Nomadland (მომთაბარეთა მიწა) წლის საუკეთესო ფილმად, თავად კი საუკეთესო რეჟისორად დასახელდა!

წლის საუკეთესო რეჟისორის ნომინაციაში მისი კონკურენტები იყვნენ დევიდ ფინჩერი (Mank), აარონ სორკინი (The Trial of the Chicago 7), თომას ვინტერბერგი (Another Round) და ემერალდ ფენელი (Promising Young Woman).

რამდენადაც სასიხარულოა ეს ფაქტი, იმდენად კინოსამყაროში დღემდე არსებულ ერთ დიდ პრობლემას ააშკარავებს: ოსკარების დაჯილდოების 93-წლიან ისტორიაში მხოლოდ მეორედ გადაეცა ქალ რეჟისორს ეს ჯილდო. მანამდე 2009 წელს კეტრინ ბიგელოუ გაიმარჯვა პირველად ამ ნომინაციაში ფილმით The Hurt Locker.

2021 წლამდე საუკეთესო რეჟისორის ნომინაციაში სულ ხუთჯერ იყო ქალი კინოხელოვანი წარდგენილი, წელს კი მათ რიცხვის ერთდროულად ორი რეჟისორი — ემერალდ ფენელი და ქლოა ჭაო შეემატა. მათ შორის ეს უკანასკნელი საბოლოო გამარჯვებითაც.

ქლოა ჭაო წელს ოქროს გლობუსის დაჯილდოებაზეც საუკეთესო რეჟისორად დასახელდა და ამ დაჯილდოების ისტორიაშიც მეორე ქალი გახდა, ვისაც ეს ჯილდო მიუღია.

ასევე იხილეთ: