Apple-ის თქმით, ის იწყებს პროგრამას, იმისათვის რომ თანამშრომლებს Apple-ის ოფისებში კოვიდვაქცინაციის შესაძლებლობა მისცეს. კომპანია ამისთვის Walgreens Boots Alliance-თან თანამშრომლობს. ის აპირებს გახსნას ვებგვერდი Apple-ის თანამშრომლებისთვის, რომლებიც პლატფორმაზე ოფისებში ვაქცინაციისთვის რეგისტრაციას შეძლებენ.

Apple ერთ-ერთი უდიდესი კომპანიაა სილიკონ ველიზე, რომელმაც თანამშრომლების ვაქცინირებისთვის სპეციალური პროგრამა აამოქმედა.

Deutsche Bank, ცოტა ხნის წინ, გახდა პირველი დიდი ბანკი ნიუ-იორკში, რომელმაც თანამშრომლებს COVID-19-ის წინააღმდეგ ვაქცინაცია საკუთარსავე ოფისებში შესთავაზა. გასულ თვეს კი Amazon-მა, მისურიში, ნევადასა და კანზასში დაიწყო თანამშრომლების ოფისებში აცრა.